Kənd təsərrüfatının bir çox sahələrində olduğu kimi, heyvandarlıqda da nə qədər çətin olsa belə, qol çırmayıb alın təri ilə, zəhmətə qatlanıb iş quran fermer xanımlarımız bu gün də az deyil.
Biləsuvarın rayon mərkəzindən 30 km aralıda yerləşən Səmədabad kəndi ərazisində atası mərhum Bəxtiyar kişinin təsərrüfat ənənələrini yaşadan Səadət Həsənova da bu sahədə ilkə imza atan fermerlərdəndi. Artıq neçə illərdir ki, səhərin sübhünə saxladığı davarların, quşun, toyuq-cücənin səsi ilə oyanan Səadət xanım rayonda keçiçilik təsərrüfatını da ilk yaradan fermer xanımdı. Səadət xanım deyir ki, “mən 10 yaşımdan məşqulam bu işlə. Təsərrüfatı özüm çox sevən insanam. Həm iri heyvanlar, həm xırda heyvanlar, ən çox da bu il keçiyə üstünlük vermişik. Keçilərin sayını çoxaltmaq istəyirik. Həm yerli sort, həm xarici sortlardı, Hələb sortlarıdı. Gələcəkdə 100 baş-150 başa çatdırmaq istəyirik”.. Hazırda təsərrüfatında 100 başdan çox qoyun, 50 başdan çox keçi saxlayan fermerin sözlərinə görə, qazancında qoyunla müqayisədə yüksək fərq olmasa da, keçidən alınan məhsullara təlabat daha çoxdur. Həm də keçi artımlıdır. İl ərzində iki dəfə, əkiz bəzən isə üçəm bala verir. Xanım fermerin sözlərinə görə, keçilərin əti ilə yanaşı onun iç piyindən, südündən də insanlar müalicə üçün alıb tibbdə istifadə edirlər. Lakin bu heyvanların digər təsərrüfatda olan heyvanlara nisbətən xəstəliyə dözümlüyü azdır. Xüsusən bu keçilər brüsselyoz xəstəliyinə yoluxan heyvanlardı.Ona görə də mütəmadi olaraq, baytarlıq tədbirlərinin görülməsi nəzarətdə saxlanılır. Ümumilikdə rayonun heyvandarlıq təsərrüfatlarında xırda buynuzlu heyvanların baş sayı 140 mini ötüb. Bunların təxminən 20 min başı keçidir. Mütəxəssislər də bu sahənin intensiv inkişafı üçün hələlik mövcud problemlərin olduğunu bildirir. Səadət xanım isə təsərrüfatını yerli keçilərlə məhdudlaşdırmaq fikrində deyil. Türk və Hələb keçilərindən damazlıq əldə etsə də, gələcəkdə Kiçik və Orta Biznesin İnkişafı Agentliyinin dəstəyi ilə təsərrüfatını artırıb, südlük qabiliyyətli cins heyvanlara çevirmək fikrindədir.
Biləsuvarın rayon mərkəzindən 30 km aralıda yerləşən Səmədabad kəndi ərazisində atası mərhum Bəxtiyar kişinin təsərrüfat ənənələrini yaşadan Səadət Həsənova da bu sahədə ilkə imza atan fermerlərdəndi. Artıq neçə illərdir ki, səhərin sübhünə saxladığı davarların, quşun, toyuq-cücənin səsi ilə oyanan Səadət xanım rayonda keçiçilik təsərrüfatını da ilk yaradan fermer xanımdı. Səadət xanım deyir ki, “mən 10 yaşımdan məşqulam bu işlə. Təsərrüfatı özüm çox sevən insanam. Həm iri heyvanlar, həm xırda heyvanlar, ən çox da bu il keçiyə üstünlük vermişik. Keçilərin sayını çoxaltmaq istəyirik. Həm yerli sort, həm xarici sortlardı, Hələb sortlarıdı. Gələcəkdə 100 baş-150 başa çatdırmaq istəyirik”.. Hazırda təsərrüfatında 100 başdan çox qoyun, 50 başdan çox keçi saxlayan fermerin sözlərinə görə, qazancında qoyunla müqayisədə yüksək fərq olmasa da, keçidən alınan məhsullara təlabat daha çoxdur. Həm də keçi artımlıdır. İl ərzində iki dəfə, əkiz bəzən isə üçəm bala verir. Xanım fermerin sözlərinə görə, keçilərin əti ilə yanaşı onun iç piyindən, südündən də insanlar müalicə üçün alıb tibbdə istifadə edirlər. Lakin bu heyvanların digər təsərrüfatda olan heyvanlara nisbətən xəstəliyə dözümlüyü azdır. Xüsusən bu keçilər brüsselyoz xəstəliyinə yoluxan heyvanlardı.Ona görə də mütəmadi olaraq, baytarlıq tədbirlərinin görülməsi nəzarətdə saxlanılır. Ümumilikdə rayonun heyvandarlıq təsərrüfatlarında xırda buynuzlu heyvanların baş sayı 140 mini ötüb. Bunların təxminən 20 min başı keçidir. Mütəxəssislər də bu sahənin intensiv inkişafı üçün hələlik mövcud problemlərin olduğunu bildirir. Səadət xanım isə təsərrüfatını yerli keçilərlə məhdudlaşdırmaq fikrində deyil. Türk və Hələb keçilərindən damazlıq əldə etsə də, gələcəkdə Kiçik və Orta Biznesin İnkişafı Agentliyinin dəstəyi ilə təsərrüfatını artırıb, südlük qabiliyyətli cins heyvanlara çevirmək fikrindədir.
MuasirMedia.az
Yaqub Mehdioğlu Biləsuvar.
