Fərqli janrlarda cəkdiyi rəsm əsərləri ilə cənub bölgəsində tanınan Ruslan Qəhrəmanovun bir neçə ildir kömürlə çəkdiyi sənət əsərləri beynəlxalq əhəmiyyətli sərgilərdə nümayiş etdirilir.
Şəxsi emalatxanası olmadan bu cür bənzərsiz əl işləri ilə sənətsevərlərin qəlbinə yol tapan biləsuvarlı gənc rəssamı yaxından tanıyaq. İstedad insana sonradan verilmir, o anadangəlmə olur, deyirlər. Xüsusi peşə qabiliyyətinə malik olan insanlar isə fitri istedad olaraq dünyaya gəlirlər. Bu günki qəhrəmanımız gənc rəssam Ruslan Qəhrəmanovun da yaradıcılığına yaxından bələd olduqca ona bu istedadın ilahidən verildiyinin şahidi olursan. Doğulduğu Biləsuvarın Xırmandalı kəndində orta təhsilini almaqla yanaşı, valideynləri onun bu sahədə yüksək yaradıcılıq imkanlarına güvənərək Ruslanı Biləsuvar Uşaq İncəsənət məktəbinə gətirirlər. O, burda 3 il rəssamlığın ən incə sirlərini öyrənərək yaşıdlarından fərqli qabiliyyəti və dərin duyumu sayəsində kursu fərqlənmə ilə bitirir. Peşəkar yaradıcılığa başladığı illərdən Ruslan müxtəlif janrlarda özünü doğrulda bilib. Lakin ağac kömürlə yaratdığı heyrətamiz əsərlər isə onu bir çox həmkarlarından fərqləndirən başlıca uğurudur. Xüsusilə 2020-ci ildə Heydər Əliyev Fondu tərəfindən keçirilən “Xocalıya ədalət” kampaniyası çərçivəsində 4 rəsm əsərinin Türkiyədə nümayiş olunması ona yeni şöhrət gətirib. İstedadlı rəssam şəxsi emalatxanası olmadan bu günədək yaratdığı 100-dən artıq əsərin 80-nə yaxını kömürlə işlənib. Və onların yarıdan çoxu Vətən müharibəsi şəhidlərimizə həsr olunub. Müəllifin digər bacarığı isə dahi rəssamlarda olduğu kimi yaratdığı əsərlərin duyulmayan nöqtələrdə öz müəlliflik hüququnu qorumasıdır. Gənc rəssama gələcək fəaliyyətində bol-bol uğurlar diləyirik. Arzu edirik belə potensial istedadlı rəssamla növbəti görüşümüzü onun şəxsi emalatxanasında təşkil edək…
Şəxsi emalatxanası olmadan bu cür bənzərsiz əl işləri ilə sənətsevərlərin qəlbinə yol tapan biləsuvarlı gənc rəssamı yaxından tanıyaq. İstedad insana sonradan verilmir, o anadangəlmə olur, deyirlər. Xüsusi peşə qabiliyyətinə malik olan insanlar isə fitri istedad olaraq dünyaya gəlirlər. Bu günki qəhrəmanımız gənc rəssam Ruslan Qəhrəmanovun da yaradıcılığına yaxından bələd olduqca ona bu istedadın ilahidən verildiyinin şahidi olursan. Doğulduğu Biləsuvarın Xırmandalı kəndində orta təhsilini almaqla yanaşı, valideynləri onun bu sahədə yüksək yaradıcılıq imkanlarına güvənərək Ruslanı Biləsuvar Uşaq İncəsənət məktəbinə gətirirlər. O, burda 3 il rəssamlığın ən incə sirlərini öyrənərək yaşıdlarından fərqli qabiliyyəti və dərin duyumu sayəsində kursu fərqlənmə ilə bitirir. Peşəkar yaradıcılığa başladığı illərdən Ruslan müxtəlif janrlarda özünü doğrulda bilib. Lakin ağac kömürlə yaratdığı heyrətamiz əsərlər isə onu bir çox həmkarlarından fərqləndirən başlıca uğurudur. Xüsusilə 2020-ci ildə Heydər Əliyev Fondu tərəfindən keçirilən “Xocalıya ədalət” kampaniyası çərçivəsində 4 rəsm əsərinin Türkiyədə nümayiş olunması ona yeni şöhrət gətirib. İstedadlı rəssam şəxsi emalatxanası olmadan bu günədək yaratdığı 100-dən artıq əsərin 80-nə yaxını kömürlə işlənib. Və onların yarıdan çoxu Vətən müharibəsi şəhidlərimizə həsr olunub. Müəllifin digər bacarığı isə dahi rəssamlarda olduğu kimi yaratdığı əsərlərin duyulmayan nöqtələrdə öz müəlliflik hüququnu qorumasıdır. Gənc rəssama gələcək fəaliyyətində bol-bol uğurlar diləyirik. Arzu edirik belə potensial istedadlı rəssamla növbəti görüşümüzü onun şəxsi emalatxanasında təşkil edək…
MuasirMedia.az
Yaqub Mehdioğlu Biləsuvar
