Xeyriyyə yarmarkasında Milli Məclisin deputatı da iştirak edib -Fotolar

Xeyriyyə yarmarkasında Milli Məclisin deputatı da iştirak edib. “Vətən Group”un təşkilatçılığı,  “PeakNetwork”un dəstəyi ilə “Passaj 1901”də təşkil olunan xeyriyyə yarmarkasında əlilliyi olan şəxslərin bir-birindən gözəl əl işləri nümunələrinin satış-sərgisi, eləcə də konsert proqramı və rəqqasların rəngarəng çıxışları təşkil olunub.
Təşkil olunan tədbirə şəhər sakinləri, xarici qonaqlarla yanaşı Milli Məclisin deputatı Jalə Əhmədova da qatılıb. O, tədbirdə açılış nitqi ilə çıxış edərək yüksək səviyyədə təşkil olunan yarmarkanın mühüm əhəmiyyətə malik olmasından, ölkəmizdə əlilliyi olan şəxslərin hüquqlarının təmin olunması, reabilitasiyası, təhsil və yaradıcılıq məsələlərinə göstərilən dövlət dəstəyindən  danışıb. Azərbaycanda əlilliyi olan şəxslərin sosial müdafiəsinin və tibbi-sosial reabilitasiyasının dövlətimizin sosial siyasətinin mühüm tərkib hissəsi olduğunu, bu kateqoriyadan olan vətəndaşların, şəhid ailələrinin və müharibə əlillərinin problemlərinin daim dövlətimizin başçısı cənab İlham Əliyevin və Birinci vitse-prezident Mehriban xanım Əliyevanın diqqət mərkəzində olduğunu bildirib. Jalə Əhmədova çıxışımın sonunda xeyriyyə yarmarkasının təşkilatçılarına minnətdarlığını ifadə edib..