Salyanda maraqlı hobbisi olan şəxs hər kəsin marağını cəlb edir. O, müxtəlif ölkələrin qədim və müasir pul əskinaslarını toplayan numizmat Fəxrəddin Əliyevdir. İki əsrə yaxın yaşı olan evin sakini numizmat Fəxrəddin Əliyevi təkcə Salyanda yox, demək olar ki, ətraf bölgələrdə də yaxşı tanıyırlar. 40 ildən çoxdur ki, ən qədim və müasir pulları yığmaqla hamının diqqətini özünə cəlb edə bilən Fəxrəddin Əliyevin ilk pulu isə 2-ci Nikolayin dövründə buraxılan 100 rubl pul əskinası olub. Bu isə təsadüf nəticəsində əlinə keçib. Müsahibimiz deyir ki, ötən əsrin 80 – ci illərində Bakıda yaşayan qohum evinin çardağını təmir edən zaman qədim əskinaz tapdım. Elə o gündən belə kolleksiya yaratmağa maraq yarandı. Fəxrəddin kişi deyir ki, numizmatika ilə məsğul olduğunu eşidib bilənlər bu işdə ona köməklik edirlər. Nəticədə ildən ilə pul əskinaslarından və sikkələrdən ibarət kolleksiyası daha da zənginləşir. İndi onun kolleksiyasında müxtəlif illər, ölkələrə aid pul əskinasları və sikkələri var. Vaxtilə bu kolleksiyanı almaq üçün pul təklif edənlər olsa da, o, buna razılıq verməyib. İndi topladığı əskinasların ən qədimi 1898-ci ilə,rus sikkəsi isə 1842-ci ilə aiddir. Fəxrəddin Əliyevin kolleksiyasındaki pullar sonra 1900, 1905, 1909, həmçinin müasir illəri əhatə edir. Onun üçün daha maraqlısı Azərbaycan cümhuriyyəti dövründə, yəni 1920 cı ildə çıxan 5000 rublluq əskinasdır. Bundan başqa kolleksiyasıa Türkiyə, Amerika, Çin, Çexiya, Fransa, İran, Finlandiya, Qazaxıstan, Özbəkistan, Rusiya Federasiyası, Gürcüstan, sovet dövrü, həmçinin müasir Azərbaycan pulları daxildir. Qəpiklıəin arasında gümüs pullara da rast gəlinir. Numizmatın kolleksiyasında 250-dən çox qədim və müasir pul əskinası, 400-ə yaxın pul sikkəsi var. Bu marağına görə onun evi tez-tez qonaqlı-qaralı olur. Bəzən başqa rayonlardan da məhz onun topladığı kolleksiyanı görmək üçün gələnlər az deyil. Fəxrəddin Əliyev deyir ki, bu bir sənətdi, pullar gəlib gedir, amma bunlar yenə qalacaq. Ona görə bu pulları gələcək nəsillərə ötürmək üçün kimsə qorumalıdı.
MUASİRMEDİA.az
Yaqub Mehdioğlu Salyan.
Yaqub Mehdioğlu Salyan.
