“Yaşıl dünya naminə həmrəylik ili” çərçivəsində ağacəkmə aksiyası davam edir

Azərbaycanın 2030-cu ilə qədər sosial-iqtisadi inkişafa dair beş milli prioritetindən biri “Təmiz ətraf mühit və yaşıl artım ölkəsi” kimi müəyyən edilmişdir. Həmin prioritetə uyğun olaraq,
ətraf mühitin sağlamlaşdırılması, yaşıllıqların bərpası və artırılması, su ehtiyatlarından və dayanıqlı enerji mənbələrindən səmərəli istifadənin təmin edilməsi istiqamətində çox mühüm işlər aparılır. Salyan rayon N.İbrahimov adına Şorsulu kənd ümumi orta məktəbində də “Yaşıl dünya naminə həmrəylik ili” çərçivəsində ağacəkmə aksiyası keçirilib.Məktəbin həyətyanı ərazisində keçirilən aksiyada müəllim və şagirdlər iştirak ediblər. Aksiya çərçivəsində məktəbyanı ərazinin florasının daha da zənginləşdirilməsi və gözəlləşdirilməsi üçün şam ağacları və həmişəyaşıl dekorativ kollar əkilib. Məktəbin direktoru Aygün Xudiyeva bildirib ki, aksiyanı təşkil etməkdə məqsədimiz şagirdlərin ətraf mühitə olan marağını daha da artırmaq, onları yaşıllıqların qorunmasına cəlb etməkdir. Kollektivimiz böyük həvəslə ərazini alaq otlarından təmizləyib,əkilən ağacların diblərini bərkidib, əvvəlcədən əkilən ağaclara aqrotexniki qaydada qulluq göstərib. Ətraf mühitin və ekologiyanın qorunması ilə bağlı tədbirlərdə yaxından iştirak etmək məktəbin müəllim və şagirdlərinin öz təşəbbüsüdür.Onlar ağacəkmə aksiyasını bundan sonra da tez-tez həyata keçirməyi planlaşdırırlar.