Qəhrəman zabit doğulduğu Salyan torpağında dəfn edildi-FOTOLAR

2023-cü ilin 19-20 sentyabr tarixlərində ölkəmizin ərazi bütövlüyünü tam bərpası üçün həyata keçirilən antiterror əməliyyatı zamanı ağır yaralanan Azərbaycan Ordusunun zabiti leytenant Bağırov Ülvi Hənifə oğlu doğulduğu Salyan şəhərində dəfn edilib. Xatırladaq ki, Ülvi Bağırov antiterror əməliyyatı zamanı ağır yaralaraq 7 ay paytaxtda mülicə olunmuşdu.
Dünən axşam saatlarında vəfat edən qəhrəman zabitin nəşi bu gün səhər saatlarında doğulduğu Salyan şəhərinə gətirilib. Qeyd edək ki, Ülvi Bağırov 2001-ci ildə Salyan şəhərində dünyaya gəlib. 2018-ci ildə şəhər 7 saylı orta məktəbi bitirən gələcək zabit elə həmin il Heydər Əliyev adına Hərbi Akademiyaya daxil olmuşdur. Səhər saatlarında şəhidlə yaşadığı ünvanda vida görüşündən sonra dəfn edilmək üçün onun tabutu Salyan rayonundakı Şəhidlər Xiyabanına gətirilib. Dəfn prossesində Müdafiə Nazirliyinin nümayəndələri, Milli Məclisin üzvləri Fəzail Ağamalıvə Jalə Əliyeva , yerli rəsmi qrumların rəhbərləri, yerli sakinlərlə yanaşı ölkənin müxtəlif bölgələrindən dəfnə gəlmiş vətəndaşlar, şəhid valideyinləri və müharibə veteranları iştirak ediblər. Qəhrəmanın məzarı önündə çıxış edənlər bir daha şəhidlərimizin Vətən torpağının işğaldan tam azad edilməsində şəhidlərimizin unudulmza qəhrəmanlıqlarından bəhs ediblər. Qəhrəman zabitin məzarı önündə yaylım atəşi açılmaqla dəfn prosesi yekunlaşıb.