Salyanda kənd yolları asfaltlanır-FOTO

Dövlət başçısının tapşırıq və tövsiyələrinə uyğun olaraq ölkənin bütün regionlarında olduğu kimi, Salyanda da abadlıq – quruculuq işləri davam etdirilir.
Rayonun küçə və qəsəbədaxili məhəllələri təmir edilir və asfaltlanır, bordürlər düzülür, yolların kənarlarına həmişəyaşıl kollar əkilir, sakinlərin asudə vaxtlarını xoş keçirmələri üçün yaşayış binalarının həyətləri abadlaşdırılır. Hazırda Salyan rayonunda növbəti təmir işi Şorsulu kəndində aparılır.7 mindən çox əhalisi olan kənddə 10 km. – dən çox kənddaxili yollarda asfaltlanma işləri yekunlaşmaq üzərədir. Rayonun digər kəndlərində də yol infrastrukturunun yenidən qurulması işləri aparılır, təmirə ehtiyacı olan küçələrdə və məhəllədaxili yollarda asfaltlanma işləri mərhələli şəkildə davam etdirilir. Qeyd edək ki, Dayıkənd, Şorsulu və Boranıkənd kəndlərində elektrik xəttləri yenilənib, kabelləşmə işləri yekunlaşıb. Sakinlərin kəsintisiz və sürətli internetdən istifadə etməsi istiqamətində də işlər davam etdirilir. Sakinlər bütün bu kimi görülən işlərə görə ölkə başçısına minnətdarlıqlarını bildirirlər.