Hava isti olduğundan suda çimmək istəyən 17 yaşlı Şükürov Həsən Avtandil oğlu burada bataraq ölüb. Qeyd edək ki, yeniyetmə Sabirabad kənd sakini olsa da sözügedən kənddə qohumlarının evində, əsasən tənha olan nənəsinin yanında qalırmış. O, həmyaşıdı olan 2 oğlan qohumu-Sərdar və Cavidanla arpa sahəsində vəziyyətə baxmağa yollananda su hövzəsinin yanında onlara sahəyə onsuz getmələrini istəyib. Hava isti olduğundan burada bir az yuyunacağını bildirən Həsən Şükürovun az sonra batdığını müşahidə edən digər iki nəfər onu xilas edə bilməyiblər. Yeniyetmənin suya girməsi ilə batmağı çox uzun çəkməyib. Su hövzəsi yaxınlığında mal-qara saxlayan çobanın dediyinə görə cəmi 3-4 gün imiş bu hövzəyə kənd sakinlərinin təsərrüfatlarına yardım məqsədi ilə su verilibmiş. O, həmçinin yeniyetmələri uzaqdan gördüyünü bildirir. Kənd sakinləri tərəfindən cansız bədəni sudan çıxarılan Həsən Şükürovun meyiti Məhkəmə-Tibbi Ekspertiza və Patoloji Anatomiya Elmi-Təcrubi və Tədris Birliyi” nin Cəlilabad şöbəsinə təhvil verilib. Ekspertizadan sonra Həsənin meyiti dəfn edilmək üçün yaxınlarına təhvil verilib. Yeniyetmə doğulduğu Sabirabad kəndində dəfn edilib. Baş vermiş faciəli hadisə şahid yeniyetmələrin dindirilməsi ilə müvafiq orqanlar tərəfindən araşdırılır.
MUASİRMEDİA.AZ
Yaqub Mehdioğlu Cəlilabad.
