Dövlət Məşğulluq Agentliyinin Mil-Muğan Regional Məşğulluq filialı tərəfindən 10 oktyabr 2024-cü il tarixdə Sabirabad şəhərində əmək yarmarkası təşkil olunmuşdur. Sabirabad şəhəri Mədəniyyət Mərkəzinin binasında baş tutan tədbirdə Sabirabad Rayon İcra Hakimiyyətinin başçısı Siraqəddin Cabbarov, Dövlət Məşğulluq Agentliyinin Mi-Muğan Regional Məşğulluq Filialının müdiri vəzifəsini icra edən Ruslan Məmmədli həmçinin idarə, müəssisə, təşkilat rəhbərləri və ictimaiyyət nümayəndələri iştirak ediblər. Tədbirin rəsmi açılış hissəsində Sabirabad Rayon İcra Hakimiyyətinin başçısı Siraqəddin Cabbarov işəgötürənləri və işaxtaranları əmək yarmarkasında fəal olmağa dəvət etdi. Daha sonra Dövlət Məşğulluq Agentliyinin Mi-Muğan Regional Məşğulluq Filialının müdir əvəzi Ruslan Məmmədli çıxış edərək, Dövlət Məşğulluq Agentliyinin fəaliyyət istiqamətləri və görülmüş işlərin qısa xülasəsi haqqında məlumat verdi, nitqinin sonunda işaxtaran və işəgötürənləri yarmarkadan yaralanmağa dəvət etdi. İşəgötürənlər tərəfindən müvafiq vakansiyalara dair tələblər barədə ətraflı məlumat verilmiş, işsiz və işaxtaran şəxslərə, 100-dən çox boş iş yerləri (əməkhaqqı 345-1500 manat aralığında) təqdim olunmuşdur. İşsiz və işaxtaran şəxslər, işəgötürənlərin masalarına yaxınlaşaraq vakansiyalarla yaxından tanış olub, CV-lərini təqdim ediblər.
MUASİRMEDİA.AZ
