Verilən məlumata görə rayonun Kazımabad kənd sakini olan qadında vaxtından əvvəl doğuş prosesi başladığına görə o, Cəlilabad rayon Mərkəzi xəstəxanasının doğum və ginekolojiya şöbəsinə yerləşdirilib.Bir qız digəri oğlan olmaqla əkiz körpələr dünyaya gələndən sonra halları pisləşib. Həkimlərin müdaxiləsinə baxmayaraq əkizlərin həyatını xilas etmə mümkün olmayıb.Körpələrin ölüm faktı ilə bağlı xəstəxanadan bildirdilər ki, 22.12.2024-cü il tarixində saat 23:00 radələrində Cəlilabad Rayon Mərkəzi Xəstəxanasının Doğum və ginekologiya şöbəsinə 2002-ci il təvəllüdlü hamilə qadın daxil olub. Müayinə zamanı 24-25 həftəlik əkiz hamiləlik qeydə alınıb. Qadında vaxtından əvvəl doğuş prosesi başlayıb. Saat 00:00 radələrində çəkisi 700 qram olan (kişi cinsli) körpə, 00:10 radələrində isə çəkisi 650 qram olan (qadın cinsli) körpə (ekstremal az çəkili dərin yetişməzliklə) doğulub. Göstərilmiş bütün reanimasiyon tədbirlərə baxmayaraq 23.12.2024-cü il tarixində ölüm faktı qeydə alınıb. Faktla bağlı araşdırma aparılır.
MUASİRMEDİA.AZ
