Biləsuvar-Bəhrəmtəpə yolunun Arazbari kəndindən keçən hissəsində ağır yol nəqliyyat hadisəsi baş verib. İki minik avtomobilinin – Vaz 2107 və Opel markalı avtomobillərin toqquşması nəticəsində ölən və xəsarət alanlar var. Vaz 2107-də olan sərnişinlər Salyan rayonuna yas mərasiminə gedən bir ailə olub. Onlar Beyləqan sakinləridir. Opel markalı avtomobildə olanlar isə Bakıdan Cocuq Mərcanlıya toy mərasiminə gedən Cəbrayıl rayonunun Cocuq Mərcanlı kəndinin sakinləridir. Yaralanan 5 nəfəri Cəbrayıl rayon sakinləri Biləsuvar qaçqın düşərgəsində yerləşən xəstəxanaya aparılıblar. Hadisənin dəqiq səbəbləri hələlik bilinmir. İlkin ehtimallara görə, qəza yolun vəziyyəti və ya sürət həddinin aşılması nəticəsində baş verib. Hadisə yerinə təcili tibbi yardım briqadaları və hüquq-mühafizə orqanları cəlb edilib. DİN-in Mətbuat Xidmətinin Lənkəran regional qrupundan bildirilib ki, baş verən qəza nəticəsində avtomobillərdə olan sərnişinlərdən Şöhlət Məmmədova, Məryəmxanım Kərimova və İlqar Kərimov ölüb, 8 nəfər isə müxtəlif bədən xəsarətləri alıb. Araşdırmalar aparılır.
MUASİRMEDİA.AZ
