Bu gün Cəlilabad rayonunun Alar kəndində iki avtomobilin iştirakı ilə yol-nəqliyyat hadisəsi baş verib. Qəza nəticəsində hər iki nəqliyyat vasitəsi – 07 “Jiquli” və “Mercedes” markalı avtomobillər ciddi zədələnib, bir nəfər isə xəsarət alıb. Məlumata görə, hər iki avtomobilin sürücüsü elə həmin kəndin sakinləridir. Hadisənin başvermə səbəbləri araşdırılır, lakin ilkin ehtimallara əsasən, dönmə-gözləmə qaydalarının pozulması qəzanın baş verməsinə səbəb olub. Xəsarət alan şəxs təcili tibbi yardım göstərilməsi üçün xəstəxanaya çatdırılıb. Hazırda onun sağlamlıq vəziyyətinin sabit olduğu bildirilir.
MUASİRMEDİA.AZ
Yaqub Mehdioğlu Cəlilabad
