Biləsuvarda pambıqçılıqla məşğul olan bir qrup sahibkar avans ala bilmirlər.

Biləsuvarda pambıqçılıqla məşğul olan bir qrup sahibkar avans ala bilmirlər.
Biləsuvar rayonunda pambıqçılıqla məşğul olan bir qrup sahibkar müqavilə bağladıqları pambıq istehsalı və emalı zavodundan əkin öncəsi maddi vəsait ala bilmirlər. Sahibkar deyir ki, ötən illərdə zavodla müqavilə bağladıqdan sonra əkin öncəsi zavod onlara avans verirdi ki, sahibkarda icarəyə götürdüyü torpağın ödənişini edirdi. Lakin bu ildən onlara öncədən heç bir vəsait verilmir. Sahibkarlıqla məşğul olan Nahid Mirzəyev deyir ki, ” hər il bizə avans olaraq torpaqlanın alınmasına pul verirdilər. Bu il onu ləğv ediblər. Belə olan halda biz torpaqları icarəyə götürüb pambıq əkə bilməyəcik”.Nahid Mirzəyev kimi pambıqçılıqla məşğul olan başqa sahibkarlar da pambıq məntəqəsinin onlara əkin öncəsi vəsait ayırmalarını istəyirlər. Əks halda təsərrüfatın bu sahəsindən uzaqlaşmağa məcbur olacaqlarını söyləyirlər. Sahibkarları narahat edən sualımızı Biləsuvar Pambıq İstehsalı və Emalı Zavodunun aqronomu Sakit İsgəndərova ünvanladıq. Sözügedən zavodun sözcüsü şifahi olaraq bildirdi ki, vəsaitin ayrılmasına AzərPambıq Aqrar Sənaye Kompleksi MMC qərar verir. Əgər şirkət tərəfindən sahibkara əkindən öncə vəsaitin ayrılması barədə qərar verərsə zavod yenidən pambıqçılıqla məşğul olan sahibkara vəsait ayiracaq.