Sakinlərin içməli su problemi hələ də öz həllini tapmır?

Biləsuvarın Bəydili kənd sakinləri içməli su problemi ilə qarşılaşıblar.
MUASİRMEDİA.AZ xəbər verir ki, kənd ərazisində quraşdırılmış bulaqlar əhalinin içməli suya olan təlabatını tam ödəmir. Sakinlər deyir ki, içməli su kəndə qrafiklə verilir, yəni iki – üç gündən bir, oda ki, bir saatlığa. Yaranan su növbəsi isə bəzən kiminsə susuz qalmasına səbəb olur. Onlar çıxış yolunu evlərə fərdi qaydada suyun çəkilməsində görürlər. Sakinlərin bir qismi suyu kəndin kənarından keçən su kanalından boru vaistəsilə, bir qismi isə maşınlarla gətirir. Bu da onlar üçün vaxt itkisi olmaqla yanaşı həm də əlavə xərc deməkdir. Sakinləri narahat edən problemlə bağlı Biləsuvar Su Meliorasiya Sistemlərinin İstismarı İdarəsindən bildirdilər ki, sözügedən kənd ərazisində əhali üçün hazırda 30 bulaq istifadəyə verilib.2025 – ci ilin ikinci yarımilliyində isə layihə sənədlərinə uyğun olaraq 54 ədəd ictimai bulağın tikilməsi nəzərdə tutulur. O ki, qaldı evlərə fərdi qaydada suyun verilməsinə, qurumdan bildirdilər ki, rayon mərkəzindən fərqli olaraq kənd ərazilərinə evlərə suyun çəkilməsi hələ ki, nəzərdə tutulmayıb. Yaqub Mehdioğlu Biləsuvar.