Yazar Gilə Dəryanın “GECƏLƏR ” Şeri

   GECƏLƏR.
***
Təbiətin qoynunda,vəsfin də canan gecələr,
Azərbaycan vətənim,damarında qan gecələr.
Köməksizə dayaqsan,kimsəsiz biçarələrə,
Qıydın şirin canına,yatmadın rəvan gecələr.
***
Özünu oda, közə vurubdur pərvanələrim,
Arayar yar-yarını,intizar mehman gecələr.
Aşiqlər nigarandı,tutmaz aram səbri qərar,
Analar laylay çalar,ruhunda kaman gecələr
***
Cəfakeş yarı gözlər,çəkər ahı naləsini,
Yar yara mehmandırsa,dərdinə dərman gecələr.
Dünyanı versən əgər,nə gərək yarı olmasa,
Məcnun Leylini gəzər,olmasın viran gecələr.
****
Aşiqi girifdar edər,əhsən məhi cəmalına,
Gəl qıyma öz yarına,olmasın giryan gecələr.
***
Görünür böyük dayaq,hökmündədir edir rəvan,
Xəyalı uzaqlarda,deyildir asan gecələr.
***
Gilə Dərya namazda,dualar edir xəlqinə,
Eşqini bəyan edir,kövrəlir pünhan gecələr.
Əzizim gülsün üzün,mübarək de sadiqinə,
Salam ver salamın al,niyyəti sübhan gecələr.
***