Biləsuvarın Çaylı kəndində içməli su problemi yaranıb-FOTOLAR

 Adı Çaylı olsa da sakinlər içməli suyu çətinliklə tapır.
Kənd sakinləri deyir ki, içməli suyu maşınla alırıq və bu da büdcəmizə uyğun gəlmir.Kənd ərazisindən keçən kanalın suyundan həm məişətdə, həm də bağ – bağçanin suvarmaqda istifadə etsək də buraya da suyu uzun fasilələrlə verirlər. İllərlə əziyyət çəkib əkib becərdiyimiz meyvə ağaclar yanıb kül olur. Ətraf kəndlərə modul tipli su təmizləyici qurğu quraşdırılsa da nədənsə bu kənd yaddan çıxıb. Kənd sakini Arif Məmmədov deyir ki, vaxtilə elə zənn etdik ki, bizim də kəndə bulaqlar quraşdırılacaq, amma hələ də gözümüz yoldadı. Onun sözlərinə görə illər öncə əraziyə aidiyatı qrum tərəfindən baxış keçirilərək bulaqların tikiləcək yerləri də təyin olunmuşdu. Amma heç bir müsbət nəticə olmadı. Sakinləri narahat edən problemlə bağlı Azərbaycan Dövlət Su Ehtiyatları Agentliyinin tabeliyində Regional Su Meliorasiya Xidməti Publik Hüquqi Şəxs Biləsuvar Su Meliorasiya Sistemləri İstismarı İdarəsindən bildirdilər ki, Biləsuvar rayonunda 17 kənddə modul tipli su təmizləyici qurğular quraşdırılıb. Qalan 8 kənd isə növbəti illərdə, o cümlədən Biləsuvar rayon Çaylı kəndidə modul tipli su durulducu quröunun quraşdırılması nəzərdə tutulub.