Azərbaycan Respublikasının Qida Təhlükəsizliyi Agentliyi (AQTA) istehlakçı hüquqlarının qorunması, həmçinin qida təhlükəsizliyinin təmin edilməsi istiqamətində tədbirləri davam etdirir.
Bu çərçivədə AQTA-nın Şirvan – Biləsuvar bölməsi tərəfindən Biləsuvar şəhəri, Heydər Əliyev prospektində yerləşən çörək istehsalı sexində plandan kənar yoxlama keçirilib. Yoxlama zamanı Namiq Hacıyevə məxsus obyektin sanitar norma və qaydalara uyğun olmayan şəraitdə fəaliyyət göstərdiyi aşkar edilib. Müəssisədə aparılan araşdırmalar zamanı aşağıdakı ciddi nöqsanlar müəyyən olunub: Sexin anbar və emal sahələrinin divar, döşəmə və tavan hissələrinin asan yuyula bilən materiallarla üzlənmədiyi; Anbarda saxlanılan unun divar və döşəmədən ara məsafəsi gözlənilmədən yığılması; Emal sahəsində çalışan işçilərin müvafiq geyim forması ilə təmin olunmaması; İşçi masalarının paslanmaya davamlı materialdan hazırlanmaması; Hazır bişmiş çörəklər üçün ayrıca sahənin ayrılmaması və məhsulların döşəmədən ara məsafəsi gözlənilmədən yığılması və eləcə də digər nöqsanlar sexin ən adi qaydalara belə uygun fəaliyyət göstərmədiyini göstərib. Qeyd edək ki, standart qaydalara uyğun olaraq emal sahəsində havalandırma sisteminin mövcud olması tələb olunur. Lakin sözügedən sexdə nə bu sistem var, nə də ən vacib olan istifadə edilən suyun filtirizasiyası. Yəni sex başdan-ayağa kustar üsulla idarə olunur. O cümlədən sexdəki zibil qablarının açıq olması, üstəlik Dezinfeksiya, dezinseksiya və deratizasiya işlərinin aparılmaması burada istehlakçının sağlamlığının hansı təhlükəyə atıldığını göstərir. Alət və avadanlıqların, həmçinin işçilərin əllərinin yuyulmasının eyni sahədə həyata keçirilməsi də ən ciddi qayda pozuntusudur. Aşkarlanan nöqsanlarla bağlı qanunvericiliyin tələblərinə uyğun olaraq sahibkarlıq subyektinin fəaliyyəti məhdudlaşdırılıb və inzibati məsuliyyət tədbirləri görülüb. Qida Təhlükəsizliyi Agentliyi qida sahəsində fəaliyyət göstərən sahibkarlıq subyektlərini qida təhlükəsizliyi tələblərinə ciddi riayət etməyə çağırır və istehlakçıların sağlamlığının qorunması istiqamətində nəzarət tədbirlərini davam etdirəcəkdir.
Bu çərçivədə AQTA-nın Şirvan – Biləsuvar bölməsi tərəfindən Biləsuvar şəhəri, Heydər Əliyev prospektində yerləşən çörək istehsalı sexində plandan kənar yoxlama keçirilib. Yoxlama zamanı Namiq Hacıyevə məxsus obyektin sanitar norma və qaydalara uyğun olmayan şəraitdə fəaliyyət göstərdiyi aşkar edilib. Müəssisədə aparılan araşdırmalar zamanı aşağıdakı ciddi nöqsanlar müəyyən olunub: Sexin anbar və emal sahələrinin divar, döşəmə və tavan hissələrinin asan yuyula bilən materiallarla üzlənmədiyi; Anbarda saxlanılan unun divar və döşəmədən ara məsafəsi gözlənilmədən yığılması; Emal sahəsində çalışan işçilərin müvafiq geyim forması ilə təmin olunmaması; İşçi masalarının paslanmaya davamlı materialdan hazırlanmaması; Hazır bişmiş çörəklər üçün ayrıca sahənin ayrılmaması və məhsulların döşəmədən ara məsafəsi gözlənilmədən yığılması və eləcə də digər nöqsanlar sexin ən adi qaydalara belə uygun fəaliyyət göstərmədiyini göstərib. Qeyd edək ki, standart qaydalara uyğun olaraq emal sahəsində havalandırma sisteminin mövcud olması tələb olunur. Lakin sözügedən sexdə nə bu sistem var, nə də ən vacib olan istifadə edilən suyun filtirizasiyası. Yəni sex başdan-ayağa kustar üsulla idarə olunur. O cümlədən sexdəki zibil qablarının açıq olması, üstəlik Dezinfeksiya, dezinseksiya və deratizasiya işlərinin aparılmaması burada istehlakçının sağlamlığının hansı təhlükəyə atıldığını göstərir. Alət və avadanlıqların, həmçinin işçilərin əllərinin yuyulmasının eyni sahədə həyata keçirilməsi də ən ciddi qayda pozuntusudur. Aşkarlanan nöqsanlarla bağlı qanunvericiliyin tələblərinə uyğun olaraq sahibkarlıq subyektinin fəaliyyəti məhdudlaşdırılıb və inzibati məsuliyyət tədbirləri görülüb. Qida Təhlükəsizliyi Agentliyi qida sahəsində fəaliyyət göstərən sahibkarlıq subyektlərini qida təhlükəsizliyi tələblərinə ciddi riayət etməyə çağırır və istehlakçıların sağlamlığının qorunması istiqamətində nəzarət tədbirlərini davam etdirəcəkdir.
MUASİRMEDİA.AZ
Yaqub Mehdioğlu Biləsuvar
