“Best Of The Best Model Production”un Space Tv-in təqdimatında “Best Kid’s Model Of The Year Azerbaijan” Azərbaycanın ən böyük və tam fərqli formatda keçiriləcək uşaq model yarışmasının kastinqlerine start verildi.Seçim turları Azərbaycanın bir çox bölgələrində, Gəncə, Lənkaran, Naxçıvan, Şuşa və sonda Bakı şəhərində keçirilərək yekunlaşacaq. Daha sonra yarımfinal və final turları keçirilərək yarışın qalibi seçiləcək. Artıq Gəncə və Lənkəranda seçim turları başa çatıb. Lənkəranda “Best Kid’s Model Of The Year Azerbaijan” model yarışmasının üç siması iştirak edib. Onlarda 7 yaşlı Sevgi Seyfulayeva Lənkəranın siması olaraq növbəti turda iştirak etməyə vəsiqə qazanıb. Qeyd edək ki, Sevgi bundan əvvəl də model olaraq bir çox yarışmalarda iştirak edib və bir çox müsabiqələrin qalibi olub. Maraqlı olan məqam odur ki, onun bütün geyimləri bacısı gənc modelyer Fidan Seyfulayeva tərəfindən hazırlanaraq ərsəyə gətirilib. Qeyd edək ki, “Best Kid’s Model Of The Year Azerbaijan” model yarışmasının media yayım hüququ Space TV- yə məxsusdur.
