Uzun illərdir kənd sakinlərinin istifadə etdiyi çay üzərindəki körpülər qəzalı vəziyyətdə idi. Buda ərazidə yaşayan sakinləri narahat edirdi. Söhbət Şorsulu və Boranıkənd kənlərinin ərazisindən keçən Akkuşa çayı üzərində piyadalar üçün nəzərdə tutulmuş körpülərdən gedir. Sözügedən körpülərdən ən çox istifadə edən məktəblilərdir ki, bu da onlar üçün təhlükə yaradır. Kənd sakinlərinin müraciətlərini nəzərə alan Şorsulu Bələdiyyəsinin sədri Elmar Xudiyev artıq körpülərin əsaslı təmir işlərini bələdiyyənin vəsaiti hesabına təmir bərpa işlərinə start verib. Belə ki, ərazidə sayca üçüncü körpünün əsaslı təmir işləri yekunlaşmaq üzərədir. Bu da ərazidə yaşayan sakinlərin sevincinə səbəb olub. Təmir olunan körpülərin ərazisi texnika vaistəsilə kol – kosdan təmizlənilir, piyadaların rahat hərəkəti üçün zəruri işlər görülür. Bələdiyyə sədri Elmar Xudiyev onu da bildirdi ki, Şorsulu bələdiyyəsi ərazisində piyadalar üçün nəzərdə tutulan digər körpülər də əsaslı təmir olunacaq. Bundan əlavə kənd qəbirstanlığında, eləcə də kənd daxili yolların ətraflarında təmizlik abadlıq işləri aparmaqla yanaşı həmişəyaşıl ağaclar və bəzək kollarının əkilməsi də nəzərdə tutulur.
MUASİRMEDİA.AZ
Güllər Bəhrəmova ,Yaqub Mehdioğlu Salyan
