Neftçalanın ucqar kəndlərində acınacaqlı vəziyyət yaranıb

Son illər Neftçalanın bir sıra ucqar kəndlərində acınacaqlı vəziyyət yaranıb. Kənd sakinləri tək-tək, bəzi hallarda isə kütləvi şəkildə doğulub boya-başa çatdıqları doğma ocaqlarını tərk etmək məcburiyyətində qalırlar. Söhbət 1500-dən çox əhalisi olan Neftçala rayonunun Yeniqışlaq, Sarıqamiş, Mikayıllı, Sahiloba, Dalğa kimi ucqar kəndlərindən gedir. Sarıqamış ərazi vahidliyinə daxil olan bu yaşayış məntəqələrinin əhalisi uzun illərdi yolsuzluqdan əziyyət çəkir. Uzunluğu 26 kilometr olan avtomobil yolu ötən əsridə tikilib və baxımsız qaldığından bərbad hala düşüb. Sakinlərin sözlərinə görə, nə qədər çətin də olsa havalar quraqlıq keçəndə bu yolla rayon mərkəzinə gedib-gəlmək mümkündür. Elə ki, yağış, qar yağdı və bu yol keçilməz olur. Məhz onda rayon mərkəzinə gedib gəlmək müşkülə çevrilir. Yol bərbad olduğundan avtomobillər tez-tez sıradan çıxır. Xəstəsi olan xəstəsini xəstəxanaya çatdıra bilmir. Yanğın hadisəsi olarsa, yanğınsöndürənlər gələnə kimi iş-işdən keçir. Min bir zəhmətlə əldə etdikləri məhsulları isə bazara çıxara bilmir. Sakinlər onu da bildirdilər ki, vəziyyətlə bağlı dəfələrlə aidiyyati qurumlara müraciət edilib. Yolun tikiləcəyi barədə söz verilsə də, hələ ki, nəticəsi yoxdur. Məsələ ilə bağlı Avtomobil Yolları Dövlət Agentliyindən bildirildi ki, Neftçala rayonunun Sarıqamış, Mikayıllı, Sahiloba və Dalğa kəndlərinə gedən avtomobil yollarının yenidən qurulmasıRegionların sosial-iqtisadi inkişaf Dövlət Proqramına daxil edilib. Proqram çərçivəsində maliyyə vəsaiti ayrılması gözlənilir. Həmin ərazilər üçün maliyyə vəsaiti ayrılan kimi Azərbaycan Avtomobil Yolları Dövlət Agentliyi tərəfindən sözü gedən avtomobil yolları, kəndlərə gedən yolların yenidən qurulması təmun olunacaq.