Sabirabadda avtomobil qəzası olub nəticədə qardaşlardan biri ölüb-FOTO,VİDEO

Sabirabadda avtomobilin aşması nəticəsində qardaşlardan biri ölüb, digəri xəsarət alıb. Hadisə Çiçəkli kəndində qeydə alınıb. Belə ki, “Priora” markalı avtomobil hərəkətdə olarkən qarşısına mal-qara çıxıb. Sürücü avtomobili heyvanlardan yayındıran zaman nəqliyyat vasitəsi idarəetmədən çıxaraq yolun kənarına aşıb. Hadisə zamanı rayonun Cəngan kənd sakinləri 37 yaşlı Raqif Məmmədov və qardaşı, 25 yaşlı Elşad Məmmədov müxtəlif dərəcəli xəsarətlər alıb. Yaralılar Salyan Mərkəzi Rayon Xəstəxanasına çatdırılıblar. Elşad Məmmədov ağır xəsarətlər aldığından həkimlərin səyinə baxmayaraq xəstəxanada ölüb.
Faktla bağlı araşdırma aparılır.