30 aprel 2025-ci il tarixində Şirvan-Salyan Regional Təhsil İdarəsinin müdiri Rəşad Musayev UAMO və TIMO Beynəlxalq Riyaziyyat Olimpiadalarında qızıl medal qazanan şagird ilə görüş keçirib. Görüş zamanı İdarə müdiri Rəşad Musayev uğur qazanan şagirdi və müəllimini təbrik edərək, uğurlarının davamlı olmağını arzulayıb. İdarə müdiri qeyd edib ki, bu cür müsabiqələr təhsil sistemində istedadlı şagirdlərin üzə çıxarılmasına və onların potensial imkanlarının inkişafına mühüm töhfə verir. O bu uğurların qazanılmasında müəllim əməyinin danılmaz rolunu xüsusilə vurğulayıb. Qeyd edək ki, 17–22 aprel tarixlərində Türkiyənin Antalya şəhərində keçirilən TIMO 2025 – Türk Dünyası Beynəlxalq Riyaziyyat Olimpiadası və Beynəlxalq Akdeniz Riyaziyyat Olimpiadası (UAMO) müsabiqələrində Salyan rayonu Qarabağlı kəndi Nəsimi Xəlilov adına 1 nömrəli tam orta məktəbin XI sinif şagirdi Fərəcov Abel Tural oğlu uğurla iştirak edərək hər iki olimpiadada qızıl medal qazanıb. Sonda qalib şagird Şirvan-Salyan Regional Təhsil İdarəsinin müdiri Rəşad Musayev tərəfindən təşəkkürnamə və hədiyyə ilə təltif olunub.
MUASİRMEDİA.AZ
YAQUB MEHDİ OĞLU
YAQUB MEHDİ OĞLU
