Neftçalada yanqın hadisəsi baş verib ölən və yaralananlar var-FOTO

Neftçalada ev yandı bir nəfər öldü, bir nəfər yaralandı hadisə rayonun Xol Qara-qaşlı kəndində Əzizov Bəylər Xurşid oğluna məxsus evdə qeydə alınıb.
Şahidlərin bildirdiyinə görə 24 yaşlı Əzizov Bayram Bəylər oğlu və qardaş 30 yaşlı Əzizov Babək Bəylər oğlu evdə təmir işləri apararkən partlayış baş verib. Hadisə yerinə Fövqalədə hallar nazirliyinin yanğından mühafizə bölməsinin əməkdaşları cəlb edilib. Yanğın söndürülsə də baş verən partlayış nəticəsində Əzizov Bayram yanaraq ölüb. Babək Əzizzov isə ağır dərəcəli yanıq xəsarətləri ilə Neftçala Rayon Mərkəzi Xəstəxanasına yerləşdirilib.. FHN Mətbuat xidmətindən bildirilib ki, Fövqəladə Hallar Nazirliyinin “112” qaynar telefon xəttinə Neftçala rayonu, Xol Qaraqaşlı kəndi ərazisində yerləşən fərdi yaşayış evində yanğın baş verməsi barədə məlumat daxil olub. Hadisə yerinə FHN-in Dövlət Yanğından Mühafizə Xidmətinin qüvvələri cəlb olunub. Hadisə yerində əməliyyat şəraitinin qiymətləndirilməsi zamanı ümumi sahəsi 130kv.m. olan birmərtəbəli beşotaqlı fərdi yaşayış evində təmir işləri aparılan zaman yanğınla müşayiət olunan partlayışın baş verdiyi müəyyən olunub. Yanğınsöndürənlər tərəfindən həyata keçirilmiş zəruri və təxirəsalınmaz tədbirlər sayəsində yanğın genişlənməsinə imkan verilmədən qısa müddətdə söndürülüb. Faktla bağlı Araşdırma aparılır.