O, öz dəst-xətti, zəngin səsi və ustalıqla ifa etdiyi muğamlarla yadda qalan sənətkarlardandır. Qulu Əsgərov Azərbaycanın tanınmış xanəndələrindən biri kimi illərlə səhnədə çıxış edib, muğam sənətinin incəliklərini böyük məharətlə nümayiş etdirib. Onun ifasında “Segah”, “Rast”, “Bayatı-Şiraz”, “Şur” muğamları sadəcə musiqi yox, bir ruh, bir həyat fəlsəfəsi kimi dinlənilib. Səsi təkcə notlarla deyil, xalqın qəlbindəki duyğularla da danışıb.Lakin təəssüf doğuran məqamlardan biri odur ki, bu dəyərli sənətkar heç vaxt fəxri ad almayıb. Onun adının qarşısında “Xalq artisti” və ya “Əməkdar artist” kimi rəsmi titullar olmasa da, xalqın sevgi və rəğbəti Qulu Əsgərov üçün ən böyük dəyər olmuşdur. Çünki onun sənəti yalnız tamaşaçının alqışı ilə ölçülüb.Bugünkü muğam ifaçılarının çoxu məhz Qulu Əsgərovun yolunu davam etdirir, onu örnək kimi göstərir. Sənətdəki səmimiyyəti, təmizliyi və təkəbbürdən uzaq duruşu bu gün də böyük hörmətlə xatırlanır.
YAQUB MEHDİ OĞLU
