Salyanda azyaşlı sirkə turşusundan zəhərlənib

Salyan rayonunda zəhərlənmə hadisəsi baş verib.
3 yaşlı  Nuray Qurbanova yaşadığı Noxudlu kəndində sirkə turşusundan zəhərlənib. O, yaxınları tərəfindən xəstəxanaya çatdırılıb. Uşağın anasının sözlərinə görə, hadisə bankaların bağlanması zamanı ehtiyatsızlıq nəticəsində baş verib. O bildirib ki, uşaq kimyəvi məhlulu az miqdarda içib və o, dərhal müdaxilə edib və uşag xəstəxanaya  çatdırıb. Salyan Rayon Mərkəzi Xəstəxanasından verilən məlumata görə isə, zəhərlənmə diaqnozu ilə xəstəxanaya daxil olan  azyaşlı hazırda reanimasiya şöbəsinə yerləşdirilib. Baş vermiş hadisə ilə bağlı araşdırma aparılır.