Sabirabad Rayon İcra Hakimiyyətinin iclas zalında Sabirabad Rayon İcra Hakimiyyətinin başçısı Siraqəddin Cabbarovun sədirliyi ilə keçirilən müşavirədə RİHB aparatının rəhbər şəxsləri, RİH başçısının inzibati ərazi dairələri üzrə nümayəndələr, bələdiyyə sədrləri və digər aidiyyatı təşkilatların məsul işçiləri iştirak ediblər. Tədbiri giriş sözü ilə açan Sabirabad Rayon İcra Hakimiyyətinin başçısı Siraqəddin Cabbarov çıxış edərək bildirib ki, son vaxtlar ərzində rayon İcra Hakimiyyəti tərəfindən qanunsuz tikililərlə mübarizə tədbirlərinin gücləndirilməsi ilə bağlı dəfələrlə tapşırıqlar verilib, buna baxmayaraq bu vacib məsələ daimi nəzarətdə saxlanılmayıb və nəticədə ərazidə qanunsuz tikintilərin artmasına şərait yaranıb. Rayon rəhbəri bu aktual mövzunun müzakirəsi ilə bağlı tövsiyə və tapşırıqlarını verib. Həmçinin inzibati ərazi dairələri üzrə təsərrüfatbaşına uçot sənədləri məlumatlarının aktuallaşdırılmasını və Azərbaycan Respublikası Dövlət Statistika Komitəsinin elektron informasiya sisteminə daxil edilməsini təmin etmələrini vurğulayıb. Bütün sahələrdə olduğu kimi, rayonda kənd təsərrüfatının siyahıyaalınması prosesinə də məsuliyyətlə yanaşmalarını, qeyd edilən vaxtda icrasını başa çatdırmalarını bildirərək komissiya üzvlərinə, aidiyyəti şəxslərə müvafiq tapşırıq və tövsiyələrini verib. Sonda müşavirədə iştirak edən məsul şəxslərin məlumatları dinlənilib.
MUASİRMEDİA.AZ
YAQUB MEHDİ OĞLU
YAQUB MEHDİ OĞLU
