Salyanda avtomobilin su kanalına aşması faciə ilə nəticələnib. Hadisə rayonun Parça Xələc kəndi ərazisində qeydə alınıb. Məlumata görə, Seyidan kəndindən Gəncəli kəndi istiqamətində hərəkətdə olan “QAZ-31” markalı minik avtomobili idarəetməni itirərək yol kənarındakı su kollektoruna aşıb.Nəticədə avtomobildə olan üç nəfər – Gəncəli kənd sakinləri, 54 yaşlı Sərraf Qafarov, 36 yaşlı Camal Dəmirov və 38 yaşlı Ramiq Həsənov hadisə yerində həyatını itirib. Dünyasını dəyişən şəxslər qohum olublar. Onlar günorta birgə yemək yedikdən sonra sahəyə işləməyə gedirmişlər. Hadisəni təsadüfən görən yaxın qohumlardan biri dərhal kömək məqsədilə su kanalına atılıb. Lakin avtomobilin içərisinə sürətlə dolan su səbəbindən heç birini xilas etmək mümkün olmayıb. Mərhumlardan birinin isə yaxın günlərdə yeni tikdiyi evə köçməyə hazırlaşdığı bildirilir. Qeyd edək ki, həyatını itirən şəxslərin hər biri ailəli olub.
Faktla bağlı araşdırma aparılır.
Faktla bağlı araşdırma aparılır.
MUASİRMEDİA.AZ
YAQUB MEHDİ OĞLU
