Cəlilabada yük maşını aşdı, 1 nəfər öldü, 2 nəfər xəsarət aldı-FOTO,VİDEO

Cəlilabadda ölümlə nəticələnən yol qəzası baş verib.
Hadisə 1 avqust saat 07 raələrində rayonun Əsədli kəndi ərazisində qeydə alınıb. Nail Abbasov idarə etdiyi “QAZ-53” markalı nəqliyyat vasitəsi ilə Yardımlı rayonundan, Cəlilabad rayonunun Ləkin kəndində olan dəyirmana buğda aparırmış. Həmən vaxt nəqliyyat vasitəsində 2 nəfər yük hissədə, 2 nəfər də avtomobilin salonunda olub. Cəlilabad rayonunun Əsədli kəndində yük avtomobilinin əyləc sistemində problem yaranıb. Nəqliyyat vasitəsinin aşdığını görən yük hissədə olanlardan biri özünü aşağı atmağa imkan tapıb. Bundan sonra nəqliyyat vasitəsi aşıb. Nəqliyyat vasitəsində 30 tondan yuxarı buğda yola tökülüb. Qəza nəticəsində avtomobilin yük hissəsində olan sərnişin 32 yaşlı Cavid Hüseynov ölüb. Sürücü və digər sərnişin isə müxtəlif dərəcəli bədən xəsarəti alaraq Cəlilabad rayon mərkəzi xəstəxanasına hospitalizasiya olunublar.Meyit aidiyyəti üzrə təhvil verilib. Xəsarət alanların müalicəsi Cəlilabad rayon mərkəzi xəstəxanasında davam etdirilir.Faktla bağlı araşdırmalar davam etdirilir.