“Dünyaya mədəniyyət, sivilizasiya Azərbaycandan yayılıb, sadəcə azərbaycanlılar xristian olmadığına görə dünya ölkələri bu həqiqəti qəbul etmək istəmir”.
Tur Heyerdal, dünya şöhrətli alim, etnoqraf, arxeoloq, tədqiqatçı.
“Əldə edilən məlumatlar və nişanələr belə deməyə əsas verir ki, ən qədim mədəniyyət mərkəzi məhz Azərbaycan olmuşdur”.
K. Willson, avropalı tarixçi.
“Nuh peyğəmbər Naxçıvanda yaşamış və burada dəfn olunmuşdur.Qədim yunan alimi Ptolemey, XI əsr görkəmli ərəb alimi, əl-Şərifi, e. ə. I əsr yəhudi alimi İosif Flavi, Rusiyalı tədqiqatçılar İ.Şopen, V.. Sısoyev, K.Smirnov və digər alimlər də bu faktı qeyd edirlər. İnanca görə, 7500 il bundan əvvəl baş vermiş daşqın zamanı Nuh və ona iman gətirənlərin mindiyi gəmi ilk dəfə Naxçıvanda quruya çıxmış, beləliklə, yeni nəsil buradan törəyərək artmışdır. Əfsanəyə görə, Nuhun gəmisi Gilançayın yuxarı axarındakı Gəmiqaya adlı yerdə lövbər salmışdır. Rəvayətə görə, gəminin qalıqları indi də buradakı “Ayı çuxuru” adlı yerdə qalmaqdadır.
Dünya xəritəsinə nəzər salsaq, heç bir yerdə Nuhla bağlı Naxçıvanda olduğu qədər yer adlarına rast gəlmək mümkün deyil. Burada Nuhəcir, Nuhdaban, Nuh yurdu, Nuhrəm, Nuhgədik, Nəhənd, Nehran, Nəbi yurdu, Nəhqan, Qapıcıq, Gəmiqaya və başqa yer adları var.
Zaur Aliyev , fəlsəfə doktoru.
“Naxçıvandakı Gəmiqaya rəsmləri tamamən Nuh Nəbi (peyğəmbər) ilə bağlıdır. Bu rəsmlərdə Nuhun Ordubadda gəmidən enməsini aydın şəkildə göstərən petroqliflər var. Nuhun gəmisinin qalıqlarını (izlərini) Ağrıdağda deyil, Naxçıvanda axtarmaq lazımdır”.
Tariyel Azərtürk, Amerikada yaşayan azərbaycanlı alim, fəlsəfə doktoru, türkoloq, tədqiqatçı.
Qeyd: Dünyanın bir çox ciddi tarixçisi Azərbaycanı “Tanrının seçdiyi yer” adlandlrır, dünya şöhrətli rəssam Salvador Dali isə özünün “Geopolitik uşaq” əsərində ilk sivilizasiyanın mərkəzi kimi Azərbaycanı göstərir.
Şəkil: Tur Heyerdal, Tariyel Azərtürk, Zaur Əliyev, Nuhun Naxçıvanda yerləşən qəbirüstü türbəsi.
MM.AZ
