Lənkəran – Xəzərin sərin nəfəsi, Talış dağlarının sükutu, sitrus bağlarının ətri ilə dolu bir diyar. Yağışlı səhərlərdə torpaqdan qalxan yaşıl rayihə, dağ çaylarının şırıltısı, dənizin uzaqdan gətirdiyi duzlu külək – hər şey insanın ruhuna toxunur.
Bu torpaq həm həyat bəxş edir, həm də ilham. Elə buna görədir ki, onun övladları həm zəhmətsevər, həm də yaradıcı olur. Fariz Babayev də həmin torpağın övladıdır. Lənkəranda doğulmasa da, kökü ilə bu torpağa bağlıdır. O, ağ xalatlı həkim, elm adamı, musiqi bəstələyən incə qəlbli ziyalıdır. …Mən onu ilk dəfə indi baş direktoru olduğu Cavadzadə adına xəstəxanada gördüm. Qarşımda ciddi, işinə sadiq bir həkim dayanmışdı. Söhbət edərkən hemodializin incəliklərindən, xəstələrin ümidindən danışırdı. Sakit, amma inamlı səsi vardı – sanki insanın yalnız bədəninə deyil, ruhuna da şəfa verirdi. Sonralar öyrəndim ki, bu təmkinli, diqqətli həkim Həbib Səfərovun sözlərinə bəstələnmiş məşhur “Lənkəran” mahnısının müəllifidir. Əvvəlcə inanmaq çətin idi. Axı necə ola bilərdi ki, bir tərəfdə həyat uğrunda mübarizə aparan həkim, digər tərəfdə qəlbləri titrədən bir bəstəkar eyni insanda cəm olsun? Fariz həkim Bakıda doğulub, amma əslən Lənkərandandır. Orta məktəbi “Qızıl medal”la, universiteti isə “Fərqlənmə diplomu” ilə bitirməsi onun zəhmət və əzminin göstəricisidir. Amma bütün rəsmi titullardan daha qiymətlisi – xəstələrinin gözlərindəki ümiddir. Onlar bilirlər ki, Fariz həkim həyatla ölüm arasında nazik ipi bir az da möhkəmləndirir. Həkimlik onun ağlı və biliyidirsə, musiqi – qəlbinin səsidir. “Lənkəran” mahnısında yağışlı səhərlərin hüzuru, çay plantasiyalarının ətri, dənizin uzaqdan gətirdiyi ahəng var. Hər notda doğma torpağın nəfəsi duyulur. Dinləyən insan sanki Lənkəranın küçələrində gəzərək dağların sakitliyini, meşələrin dərinliyini, torpağın bərəkətini hiss edir. Mahnının müəllifinin həkim olduğunu öyrənəndə düşündüm: bəlkə də musiqi ilə həkimlik arasında böyük fərq yoxdur – hər ikisi insanı yaşadır. Fariz Babayevin kitabları, məqalələri, monoqrafiyaları elmi dünyaya xidmət edir. Artıq o, tibb elmləri doktorudur və yeddi elmi monoqrafiyanın müəllifidir. Amma musiqisi insanların ruhuna toxunur. Bir tərəfdə dəqiq tibbi bilik, digər tərəfdə incə hisslərin ifadəsi… Biri xəstəni sağaldır, digəri qəlbi. Bu iki yol bir insanda birləşir. Onun səhiyyədəki xidmətləri də ölkə tərəfindən yüksək qiymətləndirilib. 2018-ci ildə prezidentin sərəncamı ilə “Tərəqqi medalı”na layiq görülməsi, onun həm həkim kimi, həm də insan kimi cəmiyyət üçün verdiyi dəyərin bariz nümunəsidir. Bəzən deyirlər ki, insanın əsli haradandırsa, taleyinə də o torpaq möhür vurur. Fariz həkimin taleyində də Lənkəranın möhürü var: təbiəti kimi təmkinli, dənizi kimi dərin, meşəsi kimi dözümlü… Və bütün bu xüsusiyyətlər onun həm həkimliyində, həm də sənətkarlığında duyulur. Onun ömrü bir hekayədir: səhər tezdən xəstəxana koridorlarında xəstələrinə ümid bəxş edən, axşam isə piano arxasında doğma yurdun səsini notlara çevirən insanın hekayəsi. Hər biri bir həyat, hər biri bir melodiya. Fariz Babayev – bir tərəfdə xəstələrinə həyat bəxş edən həkim, digər tərəfdə minlərlə insanın qəlbini fəth edən, Azərbaycanın Xalq və Əməkdar artistləri tərəfindən ifa olunan iyirmiyə yaxın sevilən mahnının müəllifidir. Onun ömrü elm və sənətin qovuşduğu, həm bədəni, həm də ruhu sağaldan bir nağıldır.
Bu torpaq həm həyat bəxş edir, həm də ilham. Elə buna görədir ki, onun övladları həm zəhmətsevər, həm də yaradıcı olur. Fariz Babayev də həmin torpağın övladıdır. Lənkəranda doğulmasa da, kökü ilə bu torpağa bağlıdır. O, ağ xalatlı həkim, elm adamı, musiqi bəstələyən incə qəlbli ziyalıdır. …Mən onu ilk dəfə indi baş direktoru olduğu Cavadzadə adına xəstəxanada gördüm. Qarşımda ciddi, işinə sadiq bir həkim dayanmışdı. Söhbət edərkən hemodializin incəliklərindən, xəstələrin ümidindən danışırdı. Sakit, amma inamlı səsi vardı – sanki insanın yalnız bədəninə deyil, ruhuna da şəfa verirdi. Sonralar öyrəndim ki, bu təmkinli, diqqətli həkim Həbib Səfərovun sözlərinə bəstələnmiş məşhur “Lənkəran” mahnısının müəllifidir. Əvvəlcə inanmaq çətin idi. Axı necə ola bilərdi ki, bir tərəfdə həyat uğrunda mübarizə aparan həkim, digər tərəfdə qəlbləri titrədən bir bəstəkar eyni insanda cəm olsun? Fariz həkim Bakıda doğulub, amma əslən Lənkərandandır. Orta məktəbi “Qızıl medal”la, universiteti isə “Fərqlənmə diplomu” ilə bitirməsi onun zəhmət və əzminin göstəricisidir. Amma bütün rəsmi titullardan daha qiymətlisi – xəstələrinin gözlərindəki ümiddir. Onlar bilirlər ki, Fariz həkim həyatla ölüm arasında nazik ipi bir az da möhkəmləndirir. Həkimlik onun ağlı və biliyidirsə, musiqi – qəlbinin səsidir. “Lənkəran” mahnısında yağışlı səhərlərin hüzuru, çay plantasiyalarının ətri, dənizin uzaqdan gətirdiyi ahəng var. Hər notda doğma torpağın nəfəsi duyulur. Dinləyən insan sanki Lənkəranın küçələrində gəzərək dağların sakitliyini, meşələrin dərinliyini, torpağın bərəkətini hiss edir. Mahnının müəllifinin həkim olduğunu öyrənəndə düşündüm: bəlkə də musiqi ilə həkimlik arasında böyük fərq yoxdur – hər ikisi insanı yaşadır. Fariz Babayevin kitabları, məqalələri, monoqrafiyaları elmi dünyaya xidmət edir. Artıq o, tibb elmləri doktorudur və yeddi elmi monoqrafiyanın müəllifidir. Amma musiqisi insanların ruhuna toxunur. Bir tərəfdə dəqiq tibbi bilik, digər tərəfdə incə hisslərin ifadəsi… Biri xəstəni sağaldır, digəri qəlbi. Bu iki yol bir insanda birləşir. Onun səhiyyədəki xidmətləri də ölkə tərəfindən yüksək qiymətləndirilib. 2018-ci ildə prezidentin sərəncamı ilə “Tərəqqi medalı”na layiq görülməsi, onun həm həkim kimi, həm də insan kimi cəmiyyət üçün verdiyi dəyərin bariz nümunəsidir. Bəzən deyirlər ki, insanın əsli haradandırsa, taleyinə də o torpaq möhür vurur. Fariz həkimin taleyində də Lənkəranın möhürü var: təbiəti kimi təmkinli, dənizi kimi dərin, meşəsi kimi dözümlü… Və bütün bu xüsusiyyətlər onun həm həkimliyində, həm də sənətkarlığında duyulur. Onun ömrü bir hekayədir: səhər tezdən xəstəxana koridorlarında xəstələrinə ümid bəxş edən, axşam isə piano arxasında doğma yurdun səsini notlara çevirən insanın hekayəsi. Hər biri bir həyat, hər biri bir melodiya. Fariz Babayev – bir tərəfdə xəstələrinə həyat bəxş edən həkim, digər tərəfdə minlərlə insanın qəlbini fəth edən, Azərbaycanın Xalq və Əməkdar artistləri tərəfindən ifa olunan iyirmiyə yaxın sevilən mahnının müəllifidir. Onun ömrü elm və sənətin qovuşduğu, həm bədəni, həm də ruhu sağaldan bir nağıldır.
Fariz Babayev – Həkim və bəstəkar.
MUASİRMEDİA.AZ
Şərafəddin İlkin, Şair -publisist, Azərbaycan Yazıçılar Birliyinin üzvü, “Rəsul Rza mükafatı” laureatı.
