rüzgar torpağın qoxusunu ürəyə doldurur.
O torpaqda doğulmuş bir oğul var;
adı çəkiləndə sanki dağların nəfəsi duyulur,çayların axarı canlanır.
Baxışında sədaqət, gülüşündə səmimiyyət var.
Hər addımında şərəf,hər hərəkətində paklıq görünür.
Otuz ilə yaxındır ki, onunla dostam. Qohumluq yox, amma qəlb bağları ilə möhkəmlənmiş dostluq bizi birləşdirib.
Mən cənubdanam, o isə Borçalıdan… Lakin aramızda məsafə olmayıb; çünki onun saf qəlbi, səmimi niyyəti hər zaman yaxınlığın istiliyini yaşadıb. Ramiz Həsənov həyatını halal zəhmət, dürüstlük və şərəf üzərində qurub. Həyatın eniş-yoxuşları onu əyməyib, əksinə möhkəmləndirib. Özünü zarafatla “kərpic kəsən” adlandırır. Bu ifadə təkcə zəhməti deyil, həm də sədaqəti, torpağa bağlılığı simvolizə edir. Əlinin qabarı, alnının təri ilə qazandığı çörək onun üçün ən böyük fəxrdir. Onun şəxsiyyətini əks etdirən bir şeirim var:
Gözəl vətənimin igid övladı,
Hər yerdə şöhrətin, şanın var sənin.
Şərəflə doğrultdun verilən adı,
Damarda pak-təmiz qanın var sənin.
Qanesən tanrının verdiyi paya,
Sınıq könülləri alası oldun.
Dağ elində gəldin dünyaya,
Bütöv bir Azərbaycan balası oldun.
Həmişə yaxşılıq olub niyyətin,
Qəlbi saf, ürəyi təmiz oğulsan.
Dostların yanında çoxdu hörmətin,
Çünki sən xətirli, əziz oğulsan.
Gələnə açıqdı qapın həmişə,
Qonağın üzünə pis baxmamısan.
Halal zəhmət istər seçdiyin peşə,
“İşim çətin” deyib, darıxmamısan.
Ömrünün yolları eniş-yoxuşlu,
Üzdə görünən tək hamar olmayıb.
Halal qazanmısan çörəyi, pulu,
Həyat sənin üçün qumar olmayıb.
…Düşürmü o ötən çağlar yadına?
Güvəndiyin dağlara qar yağardı.
Əlinin qabarı çatdı dadına,
Kərpic qızardıqca üzün ağardı.
Ay mənim sevimli dostum,
sirdaşım, Adət eyləmisən düz yaşamağa.
Həmişə ağ olsun üzün, qardaşım,
Haqqın var dünyada yüz yaşamağa.
Ramiz Həsənov yalnız şəxsi dostluqda deyil, ictimai həyatda da nümunədir.
O, “Borçalı Cəmiyyəti” İctimai Birliyinin sədri kimi minlərlə insanın haqqını, sözünü, ruhunu təmsil edir. Onun rəhbərliyi ilə cəmiyyət təkcə mədəniyyət və ənənələri yaşatmır, həm də sosial ədaləti və birlik nümunəsini ortaya qoyur. Burada hər kəsin səsi eşidilir, hər kəsin qayğısı nəzərə alınır. Ramizin səyləri nəticəsində bu təşkilat bir məkanın deyil, bütün Azərbaycanın ocağına çevrilib. Burada insanlar yalnız eyni torpağın övladı olduqları üçün deyil, həm də eyni amal və ideallar uğrunda birləşirlər. Onun məqsədi yalnız yaddaş və ruhu qorumaq deyil, həm də gündəlik problemlərin həllində, sosial və iqtisadi çətinliklərin aradan qaldırılmasında üzvlərinə dayaq olmaqdır. Ramiz Həsənov göstərir ki, liderlik kresloda oturmaq deyil, xalqa yaxın olmaq, hər gün insanlarla nəfəs almaqdır. Onunla işləyənlər bilirlər ki, o, qərar verəndə şəxsi marağı yox, ümumi xeyiri düşünür. İnsana, dostluğa, birlik və Turan sevgisinə söykənən bu yol əslində onun bütün həyatının davamıdır. O, həm öz həyatı, həm də rəhbərlik etdiyi cəmiyyətlə sübut edir ki, dostluq və sədaqət, şərəf və igidlik yalnız sözlərdə deyil, gündəlik əməldə yaşanır. Bu əməllər isə izsiz qalmır — hər kəsin qəlbində, yaddaşında yaşayır. Onun adı harada çəkilirsə, orada hörmət və məhəbbət duyulur. Ramiz Həsənovun hər sözü, hər addımı dostluğa, həmrəyliyə və insanlığa çağırışdır. Və bu çağırış əbədi olaraq yaşayacaq.
