Sabirabadda nadir heyvan növü tapılıb-FOTO,VİDEO

Sabirabad rayonunun Muğangəncəli kəndində yaşayan Məhərrəm Muradovun həyətyanı sahəsində övladları tərəfindən nadir görkəmdə bir heyvan aşkarlanıb. Uşaqların vaxtında xəbər verməsi nəticəsində ev sahibi heyvanı çətinliklə də olsa tutaraq şəbəkə kisəyə salıb.
Məhərrəm Muradov bildirir ki, “bu cür canlı ilə ilk dəfə qarşılaşıram. Uzun dırnaqları, iti dişləri var — diqqətsizlik olsa insanlara xətər yetirə bilər. Xəz dərili, uzun quyruqlu bu növlər müxtəlif adlarla tanınır; bəzən onlara ‘gəlincik’ və ya ‘sansar’ deyirlər. Lakin bizim tapdığımız canlı xarici görünüşcə onlardan fərqlənir.” Ailə üzvləri qeyd edirlər ki, heyvanı saxlamaq onlar üçün çətindir. “İstəyirik ya zooparka təhvil verək, ya da mütəxəssislərin müəyyən etdiyi qaydada təbiətə buraxaq,” — deyə uşaqlar bildiriblər.