Rusiya Xarici İşlər Nazirliyinin sözçüsü bildirib ki, Moskva qardaş saydığı xalqa yardım məsələsində heç vaxt gecikməyib. Onun sözlərinə görə, bunun son nümunələri kifayət qədər aydındır. İyunun 2024-cü ildə baş verən güclü sel fəlakətindən sonra Rusiyadan gələn mütəxəssislər Ermənistanın şimalında dağılan dəmir yolu xəttini cəmi bir neçə həftəyə bərpa edib. Bu ilin noyabrında isə Rusiya Azərbaycandan və Gürcüstandan keçən yeni dəmir yolu marşrutu ilə Ermənistana buğda tədarükünü qısa zamanda təşkil edib. İlk partiya noyabrın 6-na keçən gecə ölkəyə daxil olub. Sözçünün vurğuladığına görə, buğda tədarükü çox ölçüdə 2020–2022-ci illərdə Rusiya, Ermənistan və Azərbaycan liderlərinin razılaşmaları və regional kommunikasiyaların açılması üzrə üçtərəfli işçi qrupunun əvvəlki səyləri hesabına mümkün olub. Zaxarova əlavə edib ki, Moskva Cənubi Qafqaz respublikaları arasında münasibətlərin normallaşması prosesində hər zaman həmin ölkələrin suveren milli maraqlarını əsas götürür. Onun sözlərinə görə, Qərbin vasitəçilik təşəbbüslərinin isə “zaman sınağından keçib-keçməyəcəyi hələ məlum deyil”.
MUASİRMEDİA.AZ
GÜLER AMİN
