Bu gün keçmiş ömür yoluna nəzər saldıqda Faiq Balabəylinin təkcə bir şair, publisist və ya ictimai fəal olmadığını, bütövlükdə bir xarakter məktəbi olduğunu görürük.
O, sözün həqiqi mənasında, göründüyü kimi olan, olduğu kimi görünən insanlardandır. Sözündə mərd, mövqeyində qətiyyətli, dostluğunda sədaqətli, qəlbində safdır. Faiq Balabəyli ilə tanışlığımız Azərbaycanın müstəqilliyinin ilk illərinə təsadüf edir.
O zaman o, “Xəzərdənizneftdonanması”nda elektrik mexaniki kimi çalışırdı. Donanmanın təsis etdiyi “Sahil” qəzetinin redaksiyasında formalaşan yaradıcı mühit onun ədəbi və publisistik fəaliyyətinin də istiqamətini müəyyənləşdirdi.
Həm zəhmətkeş əmək adamı, həm də sözə həssas yanaşan yaradıcı şəxsiyyət kimi diqqət çəkirdi. Onun həyat yolu hamar olmayıb. Çətin, keşməkeşli mərhələlərdən keçib. Jurnalistlik fəaliyyətində haqsız ittihamlarla üzləşərək məhbəs həyatı yaşaması da bu yolun ağır səhifələrindəndir. Lakin bu sınaqlar onu sındırmadı. Əksinə, daha da mətinləşdirdi, prinsipial və mübariz etdi. Haqsızlıq qarşısında susmamaq, haqq bildiyi mövqedən geri çəkilməmək onun xarakterinin əsas cizgilərindəndir. Faiq Balabəyli yaradıcılığında səmimiyyət əsas xətti təşkil edir. Onun şeirləri ürəkdən gəlir və məhz buna görə də oxucunun qəlbinə yol tapır. Poeziyada da, nəsrdə də, publisistikada da özünəməxsus dəsti-xətti var. Yazdıqları süni pafosdan uzaq, həyatın içindən gələn duyğuların ifadəsidir. Təsadüfi deyil ki, bir çox müğənnilər onun sözlərinə müraciət etmiş, şeirlərinə onlarla mahnı bəstələnmişdir. Faiq Balabəyli yalnız qələm adamı deyil, həm də ictimai fəallığı ilə seçilən bir ziyalıdır.
O, “Dənizçilərə sosial dəstək” qeyri-hökumət təşkilatının təsisçisi kimi dənizçi ailələrinin problemlərinə həssaslıqla yanaşır, sosial məsələlərin həllində yaxından kömək edir.
Dənizə bağlılığı təsadüfi deyil. Uzun illərini bu sahəyə həsr etmiş bir insan üçün dəniz həm həyat, həm də xarakter simvoludur. Onun şirin-şəkər nəvəsinə “Dəniz” adını verməsi də bu bağlılığın rəmzi ifadəsidir. Çünki onun sevgisi də, mərhəməti də, ruhunun dərinliyi də dəniz qədər genişdir. Dostları və yaxınları arasında Faiq Balabəyli pozitiv enerjisi, şux zarafatları və qayğıkeşliyi ilə seçilir. Kədərli anlarda belə insanlara təsəlli verməyi bacaran, diqqətli və tələbkar münasibəti ilə seçilən nadir insanlardandır. O, həm tələb edir, həm də özü nümunə göstərir.
Bu gün 61 yaşını qeyd edən Faiq Balabəyli hələ də enerjili, yazıb-yaratmağa həvəsli, ictimai fəaliyyətini davam etdirən bir ziyalıdır. Ona bu yaşı vermək çətindir. Ruhunun gəncliyi, həyata bağlılığı və yaradıcılıq eşqi daim diri və təravətlidir.
Sonda əminliklə demək olar: Faiq Balabəyli təpədən-dırnağa istedaddır. Təpədən-dırnağa Faiqdir.
Ad gününüz mübarək, hörmətli Faiq müəllim! Qarşıdakı illəriniz də sözlə, işıqla, ümidlə dolu olsun. Necə ki, Əlizadə Nuri yazırdı: Sənin ad gününə qəsdən gecikdim, Mən səni bir gün də cavan saxladım…
O, sözün həqiqi mənasında, göründüyü kimi olan, olduğu kimi görünən insanlardandır. Sözündə mərd, mövqeyində qətiyyətli, dostluğunda sədaqətli, qəlbində safdır. Faiq Balabəyli ilə tanışlığımız Azərbaycanın müstəqilliyinin ilk illərinə təsadüf edir.
O zaman o, “Xəzərdənizneftdonanması”nda elektrik mexaniki kimi çalışırdı. Donanmanın təsis etdiyi “Sahil” qəzetinin redaksiyasında formalaşan yaradıcı mühit onun ədəbi və publisistik fəaliyyətinin də istiqamətini müəyyənləşdirdi.
Həm zəhmətkeş əmək adamı, həm də sözə həssas yanaşan yaradıcı şəxsiyyət kimi diqqət çəkirdi. Onun həyat yolu hamar olmayıb. Çətin, keşməkeşli mərhələlərdən keçib. Jurnalistlik fəaliyyətində haqsız ittihamlarla üzləşərək məhbəs həyatı yaşaması da bu yolun ağır səhifələrindəndir. Lakin bu sınaqlar onu sındırmadı. Əksinə, daha da mətinləşdirdi, prinsipial və mübariz etdi. Haqsızlıq qarşısında susmamaq, haqq bildiyi mövqedən geri çəkilməmək onun xarakterinin əsas cizgilərindəndir. Faiq Balabəyli yaradıcılığında səmimiyyət əsas xətti təşkil edir. Onun şeirləri ürəkdən gəlir və məhz buna görə də oxucunun qəlbinə yol tapır. Poeziyada da, nəsrdə də, publisistikada da özünəməxsus dəsti-xətti var. Yazdıqları süni pafosdan uzaq, həyatın içindən gələn duyğuların ifadəsidir. Təsadüfi deyil ki, bir çox müğənnilər onun sözlərinə müraciət etmiş, şeirlərinə onlarla mahnı bəstələnmişdir. Faiq Balabəyli yalnız qələm adamı deyil, həm də ictimai fəallığı ilə seçilən bir ziyalıdır.
O, “Dənizçilərə sosial dəstək” qeyri-hökumət təşkilatının təsisçisi kimi dənizçi ailələrinin problemlərinə həssaslıqla yanaşır, sosial məsələlərin həllində yaxından kömək edir.
Dənizə bağlılığı təsadüfi deyil. Uzun illərini bu sahəyə həsr etmiş bir insan üçün dəniz həm həyat, həm də xarakter simvoludur. Onun şirin-şəkər nəvəsinə “Dəniz” adını verməsi də bu bağlılığın rəmzi ifadəsidir. Çünki onun sevgisi də, mərhəməti də, ruhunun dərinliyi də dəniz qədər genişdir. Dostları və yaxınları arasında Faiq Balabəyli pozitiv enerjisi, şux zarafatları və qayğıkeşliyi ilə seçilir. Kədərli anlarda belə insanlara təsəlli verməyi bacaran, diqqətli və tələbkar münasibəti ilə seçilən nadir insanlardandır. O, həm tələb edir, həm də özü nümunə göstərir.
Bu gün 61 yaşını qeyd edən Faiq Balabəyli hələ də enerjili, yazıb-yaratmağa həvəsli, ictimai fəaliyyətini davam etdirən bir ziyalıdır. Ona bu yaşı vermək çətindir. Ruhunun gəncliyi, həyata bağlılığı və yaradıcılıq eşqi daim diri və təravətlidir.
Sonda əminliklə demək olar: Faiq Balabəyli təpədən-dırnağa istedaddır. Təpədən-dırnağa Faiqdir.
Ad gününüz mübarək, hörmətli Faiq müəllim! Qarşıdakı illəriniz də sözlə, işıqla, ümidlə dolu olsun. Necə ki, Əlizadə Nuri yazırdı: Sənin ad gününə qəsdən gecikdim, Mən səni bir gün də cavan saxladım…
MUASİRMEDİA.AZ
