VAXT TAPIB OXUYARSINIZ
Bir gün olüb gedəcəyəm,
Yoxluğumu duyarsınız.
Misra-misra, sətir-sətir,
Məni xatırlayarsınız.
Nuhun gəmisi məndədi,
Çovğun, tufan sinəmdədi.
Ruhum şeirlərimdədi,
Vaxt tapıb oxuyarsınız.
Mənəm dərya, mənəm dəniz,
Qarşınızdadı bəndəniz.
Haçansa, tənqid etsəniz,
Sərərsiniz, yuyarsınız.
Şair doğulmur hər bəndə,
Duman varsa, düşər çən də.
Sizinçün yazıram mən də,
Dostlar, nə yaxşı varsınız.
Bəradər, bu kaman, bu ox,
Ox atan ovçular nə çox.
Heykəlimi divarda yox,
Qəlbinizdə qoyarsınız.
Bəradər Səməndərli
(Xanəliyev)
12.01.2023
MUASİRMEDİA.AZ
