İstəyirəm qatil olum.
Övladını atan ananın,
Valideynini atan övladın,
Qatili olmaq istəyirəm.
Bu dünyanın alayını,
Onun yoğun boğazını,
Bu əllərimlə boğub,
Qatil olmaq istəyirəm.
İstəyirəm oğru olum,
Daş qəlbli insanların qəlbini ,
Ümidsizin ümidini , talehsizin -taleyini,
Oğru olub oğurlamaq istəyirəm.
Mən insanlar içindən,
Yaxşı olan insanları,
Mən pisliklər içindən , yaxşılıqları,
Oğurlayıb gözəl dünya qurmaq istəyirəm.
İstəyirəm təlxək olub,
Yer üzündəki insanları,
Hər ötəni , hər keçəni,
Hər xəstəni , hər uşağı,
Güldürmək istəyirəm.
İstəyirəm dəli olum,
Ağillar içərisində dəli,
Dəlilər içində ağıllı olub,
Həqiqəti hayqırım,
İnsanları insanlığa çağırım.
İstəyirəm dəniz olum,
Pislikləri sularımda batırım,
İstəyirəm külək olum,
Bu dünyanı yıxıb vurub dağıdım.
Bu dünyada daşı daş üstə qoymayım,
İstəyirəm mələk olum,
Günahkarın günahını,
Günahsızın günahsızlığını,
Dəftərə yazmaq istəyirəm.
Sevgisizin qəlbinə atdığım ox ilə,
Sevgi qatmaq istəyirəm,
İstəyirəm qəm qüssəni oğurlayım,
Oğru olmaq istəyirəm.
Pislikləri məhv eyləyib,
Qatil olmaq istəyirəm,
Xainlərin , xəbislərin kökünü kəsmək,
Əllərimlə didim didim didib tökmək , parçalamaq istəyirəm.
Qatil olmaq istəyirəm,
İnsan kimi yaşamaqçün qatil olmaq istəyirəm..
MUASİRMEDİA.AZ
Ənvər Məmmədov
