Gül var...
Duyğudan, hisslərdən məhrum olana
Nə söz kar eyləyər, nə sevgi, istək.
Qıraq dur, seyr elə sadəcə gendən
Anla ki, hər bir gül açmayır çiçək.
Gül var çiçəklənir ətir saçaraq
Gül var ki, sadəcə güldür eləcə.
Gül var ki, ləçəyi var varaq- varaq
Gül də var yaraşıq verir sadəcə.
Gül var tikanlıdır, gül var gözəldir
Gül var uzaqdan baxmaq edir bəs.
Gül var məxsusidir, gül var özəldir
Gül də var ətriylə verir ruh, həvəs.
Gül var ki, yaxına getmək mənasız
Gül də var bülbülü qana qərq edir.
Gül var ki, diləklər cuşa gətirir,
Gül də var sadəcə adı gül gedir.
MUASİRMEDİA.AZ
Əlheydər Qayıbov
