Bu gün Vətən müharibəsində xüsusi qəhrəmanlıq göstərən Samiq Rizvan oğlu Rəhmanovun doğum günüdür.
Samiq Rəhmanov 1990-cı il yanvarın 3-də Astara rayonunun Səncərədi kəndində anadan olub. O, 2014-cü ildən müddətdən artıq hərbi xidmətə əsgər kimi başlayıb. Samiqin döyüşlərdə iştirakı isə 2016-cı ilin aprelinə, Lələtəpə əməliyyatına təsadüf edib.
Samiq Rəhmanov Vətən müharibəsi zamanı Cəbrayılın, Füzulinin və Qubadlının azadlığı uğrunda gedən döyüşlərdə savaşıb. O, 2020-ci il oktyabrın 25-də Qubadlı döyüşləri zamanı şəhid olub.
Astara rayonunun Səncərədi kəndində dəfn olunub. Samiq Rəhmanov ölümündən sonra “Vətən uğrunda”, “Cəbrayılın azad olunmasına görə”, “Füzulinin azad olunmasına görə” medalları ilə təltif edilib.
MM.AZ
