Şirvanda mənzildə qaz sızmasından partlayışda qadən ağır xəsarət alıb-VİDEO

Şirvanda mənzildə qaz sızmasından baş verən partlayışda 47 yaşlı qadən ağır xəsarət alıb.
MUASİRMEDİA.AZ xəbər verir ki,FHN yaydığı məlumata görə ötən gün Fövqəladə Hallar Nazirliyinin “112” qaynar telefon xəttinə Şirvan şəhəri, Elşad Əzimov küçəsində fərdi yaşayış evində yanğınla müşaiyət olunmayan partlayış baş verməsi barədə məlumat daxil olub. Məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub. Hadisə yerində əməliyyat şəraitinin qiymətləndirilməsi zamanı vətəndaşa məxsus ümumi sahəsi 120 kv.m olan birmərtəbəli dördotaqlı mənzildə, ilkin ehtimala görə, qaz sızması nəticəsində partlayışın baş verdiyi müəyyən edilib. Hadisə nəticəsində ev yararsız vəziyyətə düşüb. FHN-in qüvvələri tərəfindən hadisə yerində zəruri təhlükəsizlik tədbirləri görülüb. Hadisə zamanı Şirvan sakini, 1979-cu il təvəllüdlü Mehrəliyeva Aynurə Zakir qızı bədənin termik yanığı, yanıq şoku ilə adonal vəziyyətdə Şirvan şəhər xəstəxanasının yerləşdirilib. Daha sonra vəziyyəti ağır olan 47 yaşlı qadın paytaxta yanıq mərkəzinə təxliyyə olunub.Şahidlərin bildirdiyinə görə hadisəyə səbəb qaz cihazının üzərində olan çaydanın qaynamasından qazın sönərək sızması olub. Evə daxil olan evin xanımı işığı yandıran zaman partlayış baş verib.Hadisə ilə bağlı aidiyyəti qurumlar tərəfindən araşdırma aparılır.