Biləsuvarda qəsdən adam öldürmə faktına görə cinayət işi başlanıb-FOTOLAR

Biləsuvarda qəsdən adam öldürmə faktına görə cinayət işi başlanıb.
Biləsuvar rayon prokurorluğundan verilən məlumata görə, martın 26-da saat 15 radələrində Biləsuvar rayonu ərazisində 1999-cu il təvəllüdlü Sevil Əlilinin öldürülməsi barədə rayon prokurorluğuna məlumat daxil olub. Araşdırma zamanı 1997-ci il təvəllüdlü Anar Məmiyevin rayonun Xırmandalı kəndi ərazisində yerləşən fərdi yaşayış evində deşici kəsici alətlə xəsarətlər yetirərək arvadı Sevil Əlilini qəsdən öldürməsinə əsaslı şübhələr müəyyən edilib. Hadisədən sonra Anar Məmiyev könüllü olaraq təslim olub və rayon prokurorluğunun qərarı əsasında şübhəli şəxs qismində tutulub. Hadisənin ilkin təfərruatları da məlim olub. Belə ki, ikiazyaşlı övladları olan ailə elə kənddə tikdikləri yeni evə köçməyə hazırlaşırmış. Bu məqsədlə Sevil Əlili evin son təmizliyini görmək və evə köçmək üçün Bakıda işləyən həyat yoldaşına zəng edərək israrla onu kəndə çağırıb. Təzə tikilidə dəqiq səbəbdən bilinməyən mübahisə zamanı Anar Məmiyev həyat yoldaşının üzünə bıçaq zərbəsi endirib. Soyuq silahlla həyat yoldaşına hücum edən Anar sonradan onu elə təzə evin tavanında asıb. Hazırda faktla bağlı Biləsuvar rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanaraq ibtidai istintaq araşdırmaları davam etdirilir.