İyulun 25-də Göygöl rayonunun Yeni Zod kəndi ərazisində yerləşən “Xan Yurdu” etnoqəsəbəsində V Milli Yaylaq Festivalının rəsmi açılış mərasimi keçirilib.
Artıq ənənəyə çevrilən festival bu il də zəngin proqramı, rəngarəng tədbirləri və minlərlə ziyarətçinin iştirakı ilə yadda qalıb. Festival Göygöl Rayon İcra Hakimiyyətinin, Gənclər və İdman Nazirliyinin, Türk Əməkdaşlıq və Koordinasiya Agentliyinin (TİKA), Dünya Etnoidman Konfederasiyasının və digər tərəfdaş qurumların dəstəyi, “Cavad Xan” Tarix və Mədəniyyət Fondu ilə “KAP.AZ” MMC-nin birgə təşəbbüsü ilə təşkil olunub. Rəsmi açılışdan sonra qonaqlar festival ərazisində yaradılan tematik guşələrlə tanış olublar. “Xan Çadırı”nda xalçaçılıq sənətinin sərgisi, sənətkarlıq guşələri, milli mətbəx nümunələrinin təqdim olunduğu “Yaylaq süfrəsi”, oxatma, atçılıq, zorxana və digər milli idman növləri böyük maraq doğurub. Bundan başqa, aşıq musiqisi, folklor kollektivlərinin çıxışları, konsert proqramları, yorğa atların nümayişi, kəndirbazların və alov püskürənlərin şouları festival iştirakçılarına unudulmaz anlar yaşadıb. Üç gün davam edən festival boyunca Azərbaycanın müxtəlif bölgələrindən, eləcə də xarici ölkələrdən gələn qonaqlar milli-mədəni irsimizlə yaxından tanış olmaq imkanı əldə ediblər. Tədbirin əsas məqsədi yaylaq mədəniyyətinin qorunması, milli adət-ənənələrin yaşadılması, etnosportun inkişafı və Azərbaycanın turizm potensialının geniş şəkildə tanıdılması olub.
Artıq ənənəyə çevrilən festival bu il də zəngin proqramı, rəngarəng tədbirləri və minlərlə ziyarətçinin iştirakı ilə yadda qalıb. Festival Göygöl Rayon İcra Hakimiyyətinin, Gənclər və İdman Nazirliyinin, Türk Əməkdaşlıq və Koordinasiya Agentliyinin (TİKA), Dünya Etnoidman Konfederasiyasının və digər tərəfdaş qurumların dəstəyi, “Cavad Xan” Tarix və Mədəniyyət Fondu ilə “KAP.AZ” MMC-nin birgə təşəbbüsü ilə təşkil olunub. Rəsmi açılışdan sonra qonaqlar festival ərazisində yaradılan tematik guşələrlə tanış olublar. “Xan Çadırı”nda xalçaçılıq sənətinin sərgisi, sənətkarlıq guşələri, milli mətbəx nümunələrinin təqdim olunduğu “Yaylaq süfrəsi”, oxatma, atçılıq, zorxana və digər milli idman növləri böyük maraq doğurub. Bundan başqa, aşıq musiqisi, folklor kollektivlərinin çıxışları, konsert proqramları, yorğa atların nümayişi, kəndirbazların və alov püskürənlərin şouları festival iştirakçılarına unudulmaz anlar yaşadıb. Üç gün davam edən festival boyunca Azərbaycanın müxtəlif bölgələrindən, eləcə də xarici ölkələrdən gələn qonaqlar milli-mədəni irsimizlə yaxından tanış olmaq imkanı əldə ediblər. Tədbirin əsas məqsədi yaylaq mədəniyyətinin qorunması, milli adət-ənənələrin yaşadılması, etnosportun inkişafı və Azərbaycanın turizm potensialının geniş şəkildə tanıdılması olub.
MUASİRMEDİA.AZ
GÜLƏR AMİN
