Demokratiya bax belə işləyir!
Bəzən sual verirlər: demokratiya, demokratiya deyirsən, bəs, bu demokratiya necə işləyir?! Bax belə işləyir! Diqqət Madridə! Cənublu, şərq mentalitetinə yaxın, Qafqaz dəyərlərinə oxşar ispan millətinə.
İspaniya baş nazirinin xanımına korrupsiya işi ilə bağlı ölkədən çıxış qadağası qoyulub.
İspaniya məhkəməsi Beqonya Qomesə qarşı korrupsiya, dövlət vəsaitlərinin mənimsənilməsi və qanunsuz mülkiyyətə sahibolma ittihamları ilə bağlı araşdırmaya başlamaq barədə qərar qəbul edib.
Yaxın Şərqdə, İsraildə də Netanyahu ilə xanımının başı qalda… Məhkəmələr bitmək bilmir, və korrupsiya cinayətləri ilə bağlı araşdırmaların girdabında batan Netanyahu çıxış yolunu qanlı savaşlarda görür, amma əbəs yerə. İstər militarist Netanyahu, istərsə də pasifist Sançes ədalət mühakiməsindən qaça bilməyəcək, geci-tezi var!
