Azərbaycanın cüdo üzrə yığma komandasının üzvləri hazırda Fransanın paytaxtı Parisdə keçirilən beynəlxalq təlim-məşq toplanışına qatılıb.
Azərbaycan Cüdo Federasiyasının mətbuat xidmətinə istinadən xəbər verir ki, Paris Böyük Dəbilqə turnirindən dərhal sonra başlanan hazırlıq prosesinə Azərbaycandan 33 idmançı qatılıb.
Fevralın 6-dək davam edəcək təlimlər Bakı Böyük Dəbilqə turnirinə və qarşıdan gələn digər beynəlxalq yarışlara hazırlıq məqsədi daşıyır.
Qeyd edək ki, Bakı Böyük Dəbilqə turniri 14 – 16 fevralda Milli Gimnastika Arenasında keçiriləcək.
MUASİRMEDİA.AZ
