Bakıda Formula 1 üzrə Azərbaycan Qran-Prisinin keçirilməsi şəhərin nəqliyyatına və bəzi təhsil müəssisələrinin fəaliyyətinə də təsir göstərib.
Bakı Şəhəri üzrə Təhsil İdarəsinin məlumatına görə, Bakı Şəhər Halqasının əhatə etdiyi küçə və prospektlərdə sentyabrın 22-dən 27-dək nəqliyyatın hərəkətində məhdudiyyətlər tətbiq edilir. Bununla əlaqədar beş ümumi təhsil müəssisəsində dərslərin distant formada keçirilməsi qərara alınıb.
Distant təhsil sentyabrın 22-26-da Tofiq İsmayılov adına 6 nömrəli lisey, Kərim Kərimov adına 8 nömrəli tam orta məktəb, Tahir Həsənov adına 23 nömrəli tam orta məktəb, 132-134 nömrəli lisey və İlyas Əfəndiyev adına Elitar gimnaziyada təşkil ediləcək.
Qərarın əsas məqsədi yarış günlərində nəqliyyat məhdudiyyətlərinin şagirdlərin məktəbə gedib-gəlməsinə yarada biləcəyi çətinliklərin qarşısını almaqdır.
MUASİRMEDİA.AZ
