Güllər Bəhrəmova:
Xüsusilə rayon qeydiyyatında olub, Bakıda yaşayan və məhkəməyə getməkdə çətinlik çəkən şəxslər üçün bu proses necə tənzimlənir?Hüquqşünas Zaur Quliyev: Bəli, boşanma müraciətləri kifayət qədər çoxdur. Azərbaycan qanunvericiliyinə əsasən, boşanma iddiası adətən qeydiyyat yerindəki məhkəməyə təqdim edilir. Lakin Mülki Prosessual Məcəlləyə görə, əgər azyaşlı uşaqlar valideynlərdən birinin himayəsindədirsə və həmin valideyn faktiki olaraq başqa ünvanda yaşayırsa, o, yaşadığı yer üzrə məhkəməyə müraciət edə bilər. Bu, məhkəmə prosesini daha əlçatan və rahat edir.
Güllər Bəhrəmova: Yəni bir şəxs rayon qeydiyyatında olsa da, Bakıda yaşayır və himayəsində uşaqları varsa, burada boşanma iddiası qaldıra bilər?
Hüquqşünas Zaur Quliyev: Bəli. Bunun üçün məhkəməyə yaşayış yerini təsdiq edən sənədlər təqdim edilməlidir. Əgər boşanma qarşılıqlı razılıq əsasında deyilsə və qarşı tərəf etiraz edirsə, məhkəmə bu halları nəzərə alaraq qərar qəbul edir.
Güllər Bəhrəmova: Belə hallarda boşanma prosesi nə qədər vaxt çəkə bilər?
Hüquqşünas Zaur Quliyev: Əgər tərəflər razıdırsa və azyaşlı uşaqları yoxdursa, məhkəmə qərarı 1-3 ay ərzində çıxara bilər. Lakin mübahisəli boşanmalarda, xüsusilə aliment, uşağın kimdə qalması və əmlak bölgüsü kimi məsələlər olduqda proses 6 ay və daha çox çəkə bilər.
Güllər Bəhrəmova: Rayon qeydiyyatında olub Bakıda boşanmaq istəyən şəxslərə nə tövsiyə edərdiniz?
Hüquqşünas Zaur Quliyev: Hüquqi məsləhət almaq vacibdir. Yaşayış yerini təsdiq edən sənədlər (məsələn, müqaviləsi, yaşayış arayışı və s.) məhkəməyə təqdim edilməlidir. Hər bir vəziyyət fərqlidir, buna görə də düzgün yanaşma seçilməlidir.
Güllər Bəhrəmova: Ətraflı məlumat üçün təşəkkür edirik.
Zaur Quliyev: Mən təşəkkür edirəm! 
Hüquqi dəstək üçün: 
Zaur Quliyev – Hüquqşünas və Mediator (055) 530-18-65 müraciyyət edə bilərsiz.
GÜLLƏR BƏHRƏMOVA.
