Azərbaycan Baş nazirinin müavini Şahin Mustafayev və Rusiyanın Baş nazirinin müavini Aleksey Overçuk arasında görüş keçirilib.
Danışıqlarda Şimal-Cənub Beynəlxalq Nəqliyyat Dəhlizinin inkişafı və Azərbaycan-Rusiya arasında yükdaşımaların genişləndirilməsi məsələləri müzakirə olunub.
Tərəflər həmçinin ticarət, investisiya, sənaye, energetika, kənd təsərrüfatı, nəqliyyat və logistika sahələrində əməkdaşlıq məsələlərinə toxunublar.
Görüşdə sərhəd-keçid məntəqələrinin fəaliyyətinin yaxşılaşdırılması və qarşılıqlı ticarət dövriyyəsinin artırılması da müzakirə olunan məsələlər sırasında olub.
MM.AZ
