Şirvan şəhərində Bədən Tərbiyəsi və İdman Gününə həsr olunmuş yürüş keçirilib

İdmanın hal-hazırda 18 müxtəlif növünün fəaliyyət göstərdiyi Şirvan şəhərində 5 mart “Bədən Tərbiyəsi və İdman Günü” münasibətilə Bayram yürüşü keçirilib.
Yürüşdən əvvəl ümummilli Lider Heydər Əliyevin abidəsi şəhər rəhbərliyi və bir qrup idmançının iştirakı ilə ziyarət edilib. Şəhər Mədəniyyət və İstirahət parkından başlanan yürüşdə isə “Cəngi” sədaları altında veteran və gənc idmançılar ,idman qrumlarının məsul şəxsləri həmçinin şəhər sakinləri də iştirak ediblər . Yürüş Şirvan Şəhər Gənclər və İdman İdarəsi tərəfindən təşkil edilib. Qeyd edək ki, ötən bir il ərzində Şirvan idmançıları Azərbaycan Respublikası Gənclər və İdman Nazirliyinin təçkil etdiyi turnir və çempionatlarda 14 medal qazanıb. Bu medallardan 12-si olimpiya 2-si isə qeyri-olimpiya növünə aid olmuşdur. Elə bu günkü yürüşdə müxtəlif respublika və beynəlxalq yarışlarda uğurlu nəticələr qazanmış şirvanlı idmançılarda da iştirak edərək ümumi bayram ovqatına qoşulublar.Yüksək əhval-ruhiyyəli yürüş şəhər Heydər Əliyev adına meydanda başa çatıb. Yürüş iştirakçıları burada idman həyatını əks etdirən rəsm sərgisi ilə tanış olub. Daha sonra isə şəhərin ictimai-siyasi həyatında fərqlənən, eləcə də idmanın inkişafında göstərdikləri nailiyyətlərinə görə bir qrup məşqçi-müəllim, eləcə də idman sahəsində əldə etdikləri nailiyyətlərinə görə bir qrup idmançılar, eyni zamanda il ərzində fərqlənən məşqçi-müəllimlər Şirvan Şəhər İcra Hakimiyyəti tərəfindən Fəxri Fərmanla mükafatlandırıldı.