Salyan rayon Heydər Əliyev Mərkəzində “Üçüncü günün adamı” bədii filmi nümayiş olunub-FOTOLAR

Salyan rayon Heydər Əliyev Mərkəzində “Üçüncü günün adamı” bədii filmi nümayiş olunub.
MUASİRMEDİA xəbər verir ki, Filmin quruluşçu rejissoru Babək Şirinsifət, ssenari müəllifi Maqsud Qarayşa, quruluşçu operatoru Rafiq Quliyevdir. Rollarda Hikmət Rəhimov, Rasim Cəfər, Kamran Ağabalayev, Nicat Həbibov, Vidadi Əliyev, Mehriban Zəki, Məmməd Səfa, Ayşad Məmmədov kimi aktyorlar çıxış edib. Filmin əsas ideyası Qarabağ müharibəsinin təsirini, qəhrəmanlıq və insanlıq dəyərlərini, eləcə də müharibənin insan talelərinə vurduğu dərin izləri əks etdirməkdən ibarətdir. Həyat və mübarizə motivləri ilə dolu olan film, həm tarixi həqiqətlərin, həm də mənəvi dəyərlərin təbliği baxımından xüsusi əhəmiyyət daşıyır. Tədbirin əsas məqsədi filmin ictimaiyyətə təqdimatı ilə yanaşı, Qarabağ müharibəsi mövzusunda milli şüurun gücləndirilməsi və müharibə iştirakçılarının xatirəsinə hörmətin ifadə olunmasıdır. Nümayişlər tamaşaçılar tərəfindən böyük maraqla qarşılanıb və Qarabağ həqiqətlərinin mədəniyyət vasitəsilə çatdırılmasının önəmini bir daha sübut edib.