Tanınmış memar və xeyirxah iş adamı TEYMUR QARALOV Başkeçiddə vəfat edib.

Tanınmış memar və xeyirxah iş adamı TEYMUR QARALOV Başkeçiddə vəfat edib.
O, 1954-cü ildə qədim Borçalı mahalının Başkeçid elində, indiki Gürcüstanın Dmanisi rayonundakı Ormeşən kəndində, Borçalıda tanınmış ziyalı, xeyirxah insan, daima xalqımızın hüquqlarını qorumuş Bəkir Səməd oğlu Qaralovun ailəsində anadan olmuşdur.

Başkeçid (indiki Dmanisi) orta məktəbini bitirdikdən sonra, Azərbaycan Politexnik İnstitutunun (indiki AzTU-nun) Memarlıq Fakultəsini bitirmişdir.

Uzun müddət Bakı şəhərində, öz ixtisası üzrə müxtəlif vəzifələrdə çalışmışdır.

Sonralar dədə-baba yurdu Başkeçiddə sahibkar iş adamı kimi fəaliyyət göstərmişdir.

İşlədiyi dövrdə xalqımıza-elimizə lazımı olan köməklikləri etmişdir.

O, müdrik el ağsaqqalı olmaqla yanaşı, istiqanlı, vətənpərvər, xalqını-elini sevən, təmiz ürəkli, şirin dilli, gözəl insan idi.