“Best Wood” MMC- nin İmişli şəhərində ilk mebel salonu fəaliyyətə başlayıb-FOTOLAR

Sahibkarlığın inkişafı üçün yaradılan münbit şərait son illər özəl sektorda yeni-yeni müəssisə və obyektlərin yaradılmasına zəmin yaratmışdır.
Artıq üç ildir ki, Biləsuvarda fəaliyyət göstərən “Best Wood” MMC mebel şirkəti “Best Wood” və” Lux center” adında mebel salonları ilə yerləşdiyi rayonun və bölgənin əhalisinin xidmətindədir. Bu gün mebel sektorunda öz keyfiyyəti və münasib qiyməti ilə hər zaman fərqlənən “Best Wood” MMC mebel şirkətinin İmişli şəhərində ilk mebel salonunun rəsmi açılışı olub. Yüksək zövqlə və keyfiyyət standartına uyğun istehsal olunan mebellər “Best Wood” mağazalarında çox münasib qiymət və özəl endirimlərlə alıcılara təklif edilir. İmişli şəhərində açılan ilk mağazasında da “Best Wood” mebelin bütün yataq, qonaq və yumşaq dəstləri sərgilənir. Yaxın aylarda digər rayonlarda da “Best Wood” nümayəndə mağazalarının fəaliyyətə başlaması planlaşdırılır. “Best Wood” mebel şirkətinin əsas hədəfi münasib qiymətlə və yüksək keyfiyyətlə “Best Wood” mebellərini bütün şəhər və rayonlarımızda əhaliyə daha əlçatan etməkdir. Nəğməkar şair Səlamət Rəhimovun aparıcılığı ilə təqdim olunan təntənəli açılış mərasimi konsert proqramı ilə davam edib. Tədbirdə rəsmi qonaqlarla yanaşı ədəbiyyat adamları, ziyalılar da iştirak edib. Azərbaycan Yazıçılar Birliyinin Aran bölməsinin sədri Sərvaz Hüseynoğlu Əsgərli, filologiya üzrə fəlsəfə doktoru Bilal Alarlı, jurnalist Samir Qurbanov, şairlərdən Əli Aşiq və Əhməd Qala, “Tərəqqi” medallı ağsaqqal pedaqoq Cəmil Abbasov çıxış edərək, şirkətin yeni nümayəndəliyinin açılışı münasibətilə rayon ictimaiyyətini təbrik edib, bu xeyirxah, təşəbbüskar işdə mağazalar şəbəkəsinin qurucuları Vüsal və İlkin bəyə uğur diləyiblər. Rəmzi açılışı bildirən qırmızı lent kəsildikdən sonra qonaqlar şəhər mərkəzinə xüsusi estetik gözəllik qatan ikimərtəbəli binaya daxil olub, mebel dəstləri ilə yaxından tanış olublar.